Mamyr aıynyń sońynda kún salqyndap, jaýyn-shashyn kóbeıedi
ASTANA. KAZINFORM — «Qazgıdromet» RMQ 28-30 mamyrǵa arnalǵan Qazaqstan boıynsha aýa raıy boljamyn jarııalady.
Mamyr aıynyń sońǵy kúnderi respýblıka aýmaǵynda aýa raıy qubylmaly bolady dep kútiledi. Qazaqstannyń basym bóliginde soltústik-batys tsıklony men oǵan baılanysty atmosferalyq fronttardyń áserinen jańbyr jaýyp, naızaǵaı oınaıdy.
— Batys jáne soltústik-batys óńirlerde búkil kezeń boıy, 28 mamyrda ońtústik, ońtústik-shyǵys jáne ortalyq aımaqtarda, al 28-29 mamyr kúnderi soltústik pen shyǵysta qatty jańbyr jaýyp, burshaq túsip, ekpindi jel soǵady. Respýblıka boıynsha jeldiń kúsheıýi kútiledi, — delingen habarlamada.
Kúndizgi aýa temperatýrasy:
- batysta 15-25 gradýs jylyǵa deıin tómendeıdi;
- kezeńniń basynda soltústik-batysta, soltústikte jáne ortalyqta 17-25 gradýs jylyǵa deıin tómendep, kezeń sońynda 20-33 gradýs jylyǵa deıin kóteriledi;
- shyǵysta 15-25 gradýstan 20-30 gradýs jyly aralyǵynda qubylady;
- ońtústik pen ońtústik-shyǵysta kezeń basynda 20-28 gradýs jylyǵa deıin tómendep, sońynda 27-38 gradýs jylyǵa deıin kóteriledi.
