Mamyr aıyndaǵy 10 qazaqstandyq úzdik boksshynyń tizimi jarııalandy

ASTANA. KAZINFORM – Ótken aıdaǵy úzdik qazaqstandyq boksshylardyń (salmaq dárejesine qaramastan) jańartylǵan reıtıngi shyqty, dep habarlaıdy Kazinform Sports.kz-ke silteme jasap.

Boxrec.com saıtynyń habarlaýynsha, reıtınginiń sáýirdegi nusqasymen salystyrǵanda mamyr aıynda alǵashqy ondyqta bir ǵana ózgeris bolǵan: Elshat Nyǵmetolla (21-0-2, 8 KO) aıdyń basynda namıbııalyq boksshy Fılemon Ngýtenanemen (12-0-2, 4 KO) kezdesip, qos bylǵary qolǵap sheberi teń túsken bolatyn. Osy jekpe-jekten keıin ol bir saty tómendep, 7-orynǵa turaqtady. Al taǵy bir otandasymyz Rýslan Mádıev (17-2, 6 KO) bir saty joǵary kóterildi. 

Qazaqstandyqtar arasyndaǵy P4P reıtınginiń kóshbasshysy – burynǵysynsha orta salmaqta WBO jáne IBF tujyrymdary boıynsha álem chempıony belbeýleriniń ıegeri Jánibek Álimhanuly (17-0, 12 KO). 

Úzdik 10 qazaqstandyq boksshynyń tizimi tómendegideı: 

Jánibek Álimhanuly (17-0, 12 KO),

Sultan Zaýrbek (20-0, 13 KO),

Bekman Soılybaev (20-1, 11 KO),

Batyr Júkembaev (24-1, 17 KO),

Danııar Eleýsinov (12-0, 7 KO),

Bek Nurmaǵanbet (14-0, 12 KO),

Rýslan Mádıev (17-2, 6 KO),

Elshat Nyǵmetolla (21-0-2, 8 KO),

Sadrıddın Ahmedov (15-0-1, 13 KO),

Sergeı Lıpınets (18-4-1, 13 KO).

Buǵan deıin Taılandtaǵy týrnırde qazaqstandyq 10 boksshy fınalda saıysqa túsetinin jazǵan edik.