Mamyr aıynda aýa raıy qandaı bolady
ASTANA. KAZINFORM — Qazgıdromet sınoptıkteri mamyr aıyna arnalǵan bir aılyq aýa raıy boljamyn jarııalady.
Mamyr aıynda jazǵy atmosferalyq protsesterge kóshý júzege asady. Kópjyldyq málimetterge sáıkes ońtústik aımaqtarda úsik — aıdyń birinshi jartysynda, al soltústikte — aıdyń sońyna qaraı aıaqtalady.
Biraq keı jyldary eń sońǵy úsik aıdyń sońynda, tipti maýsym aıynda da bolýy múmkin.
Aýa raıynyń turaqsyz sıpaty jańbyr men naızaǵaı, ekpindi jel aı boıy soǵady, al burshaq jaý aıdyń keı kúnderi jaýýy múmkin.
Aıdyń kóp bóliginde joǵary temperatýra kórsetkishi basym bolady:
- respýblıkanyń soltústik jartysynda kúndiz aýa raıy +25+35°C deıin ysýy múmkin
- ońtústik jartysynda +30+40°C deıin.
Sýyq tolqyndar áserinen aýa temperatýrasy tómendeıdi:
- soltústik, shyǵys jáne ortalyq aımaqtarda, sondaı-aq eldiń ońtústik-shyǵysyndaǵy taýly aımaqtarda túnde -5+5°C deıin, kúndiz +10+15°C deıin;
- elimizdiń batysynda jáne ońtústik jartysynda túnde +5+15°C deıin, kúndiz +16+26°C deıin.
Mamyr aıynda respýblıkanyń basym bóliginde ortasha aılyq aýa temperatýrasy normadan 1-2° joǵary, batys aımaqtarda norma shamasynda bolady.
Mamyr aıynda jaýyn-shashyn mólsheri respýblıkanyń basym bóliginde norma shamasynda, eldiń qıyr batysynda normadan joǵary, Qazaqstannyń ońtústik, ortalyq óńirlerinde normadan az bolady dep boljanyp otyr.
