Mamın sý tasqynynan zardap shekken aqtóbelikterdiń salyp jatqan úılerin kórdi
AQTÓBE. QazAqparat - Kóktemgi sý tasqyny kezinde baspanasy qırap qalǵan aqtóbelikterdiń bir toby Qýraıly aýylynda úı salyp jatyr.
Premer-Mınıstrdiń birinshi orynbasary Asqar Mamın qurylys jumystaryn qarap, sý tasqynynyń aldyn alý sharalarymen tanysty.
Aqtóbe qalasyndaǵy sý tasqyny kezinde zardap shekkender shahar mańyndaǵy Órleý, Qyzyljar, Qýraıly, Sazdy aýyldarynda úı salyp jatyr. Memleket jer bólip, qajetti ınjenerlik jelilerdi kommýnaldyq mekemeler óz esebinen jetkizip berdi. Sonymen qatar, úı salyp jatqan otbasynyń árqaısysyna «Qolqanat Aqtóbe» qaıyrymdylyq qory arqyly 1 mıllıon teńge bólindi. Bul aqsha qurylys materıaldary men qurylys jumystaryna jumsalady.
«Áleýmettik jaǵdaıy tómen, kópbalaly, múgedek otbasylarǵa kásipkerler kómektesip jatyr. Máselen, «Aqbulaq» AQ, «Transenergo» AQ sekildi iri kompanııalar óz qyzmetkerlerine kómektesti. «Qolǵanat Aqtóbe» qorynan berilgen aqshany zardap shekkenderdiń qolyna ustatpaımyz. Sebebi adamdar basqa qajettilikterine jumsap, baspanasyz qalýy múmkin. Qaıyrymdylyq qoryna barlyǵy 200 mıllıon teńgege jýyq qarjy tústi. Kómek bergen qazaqstandyqtarǵa alǵys aıtamyz»,- dedi Aqtóbe oblysynyń ákimi Berdibek Saparbaev.
Aqtóbedegi sý tasqyny kezinde 900-den astam úıdi sý basty. Onyń 390-y jaramsyz, adam turýǵa bolmaıdy degen sheshim shyǵarylǵan. Óńir basshysy B.Saparbaev ár aýdan ákimine tapsyrma berip, kem degende bir otbasyǵa páter alyp berýdi mindettedi. Іri kásiporyndar da qaıyrymdy isten shet qalǵan joq. Sý tasqyny kezinde zardap shekken 20 otbasy qazir osy jolmen jeke baspanaly boldy. Zardap shekkenderge arnap óńirde turǵyn úı de salynady. Páter nesıege beriledi.
«Elek jáne Qarǵaly ózenderiniń tabany 30-40 jyl boıy tazartylmaǵan. Taǵy 7 shaǵyn ózenniń arnasy da tazarmady. Sý tasqynynyń bir sebebi osy. Kóktemgi oqıǵa qaıtalanbas úshin ózen arnasyn tazartý kerek. Esep boıynsha 3,5 mıllıard teńge qajet eken. Jobalyq-smetalyq qujaty 1 qyrkúıekte daıyn bolady»,- dedi Aqtóbe oblysynyń ákimi B.Saparbaev. Jumys aýqymyna baqylaǵan Premer-Mınıstrdiń birinshi orynbasary Asqar Mamın mınıstrlik pen ákimdikke birlese jumys isteýge tapsyrma berdi. Qalada tótenshe jaǵdaı jarııalanǵandyqtan, onyń zardabymen kúres jumystary kezinde Úkimet kómektesetin boldy.
