Mamın Pavlodar jáne ShQO-nyń ınfraqurylymdyq jobalaryn tekserdi
QR Premer-Mınıstriniń birinshi orynbasary Asqar Mamın issaparmen Pavlodar, Shyǵys Qazaqstan oblystarynda issaparda bolyp, «Ortalyq-Shyǵys» avtokólik joly men óńirdegi ındýstrııalyq jobalardyń júzege asyrylý barysymen tanysty.
A. Mamın «QazAvtoJol» UK» AQ qyzmet kórsetý nysandarynyń jumysy jónindegi basshylyǵynyń jáne merdigerlik mekemelerdiń esebin tyńdap, respýblıkalyq mańyzdy «Astana-Pavlodar» avtojoly magıstralyndaǵy, «Ortalyq-Shyǵys» avtokólik dálizindegi qurylys barysymen júrip ótip, jete tanysyp, respýblıkalyq avtokólik joly jelisin damytý týraly keńes ótkizdi.
Aqmola, Pavlodar, Shyǵys Qazaqstan oblystary aýmaǵymen ótetin respýblıkalyq mańyzdy joldar 7 345 shaqyrymdy quraıdy. «QazAvtoJol» UK» AQ men merdigerlik mekemelerdiń basshylarynyń baıandaýynsha, qazirgi tańda «Ortalyq-Shyǵys» kólik dáliziniń 404 shaqyrymy paıdalanýǵa berilgen. Áli de 501 shaqyrymyna jóndeý jáne jańǵyrtý jumystary júrgiziledi. Barlyq qurylys jumystary belgilengen kestemen júrgizilýde.
Sondaı-aq, A. Mamın jol boıyndaǵy qyzmet kórsetý nysandarynyń jaǵdaıyn qarady. Olardyń jumystaryna oń baǵa berdi. Respýblıkalyq maqsatttaǵy Aqmola, Pavlodar jáne Shyǵys Qazaqstan oblystarynyń aýmaǵyndaǵy jol boıynda A,V, S, D dárejesine jatatyn 530 nysan ornalasqan. 2018 jyl aıaǵyna deıin olardyń 16 nysany paıdalanýǵa beriledi.
QR Premer-Mınıstriniń birinshi orynbasary Astana 28 shaqyrymdyq aınalma jolyndaǵy «Kazway» modýldik túrimen tanysty. Pavılon zamanaýı aýa baptaǵysh, beınebaqylaý, symsyz wi-fi jelisimen basqa da zamanaýı tehnologııalarmen jabdyqtalǵan. Jyl aıaǵyna deıin osyndaı modýldik pavılondarmen Astana-Shortandy, Astana-Temirtaý, Almaty-Qapshaǵaı, Býrabaı aınalma joly, Astana aınalma joly qamtamasyz etiledi.
Inspektsııalyq tekserý qorytyndysy boıynsha Premer - Mınıstrdiń birinshi orynbasary «QazAvtoJol» UK» AQ-yna bıylǵy jyly «Ortalyq-Shyǵys» kólik dáliziniń 905 shaqyrymynda qozǵalysty ashýyn, al 2019 jyly jobany aıaqtaýdy tapsyrdy.
Óńirge jumys sapary barysynda A. Mamın Ekibastuzdaǵy Bozshakól taý-ken baıytý kombınatynda bolyp, mys ónimin shyǵarýdyń tehnologııalyq úderisimen tanysty.
Premer- Mınıstrdiń birinshi orynbasary Pavlodar AEA aýmaǵyna ornalasqan nysandarmen Ekibastuzdaǵy «Prommashkomplekt» JShS kásiporny jumysymen tanysty.
Pavlodar munaıhımııasy zaýytynda A. Mamınge kásiporynnyń ótken jyly jańǵyrtylǵany baıandaldy. Sonyń nátıjesinde, shıki munaı óńdeý ulǵaıdy. Motor maılary benzın K-4 standartyna sáıkestense, dızel otynynyń sapasy K-5 dárejesine jetkizildi. Osy joba aıasynda qýat únemdiligi men ekologııalyq taza tehnologııa, avtomattandyrylǵan basqarý júıesi, tabıǵı resýrstardy únemdi paıdalaný arqyly qorshaǵan ortany qorǵaý sharalarynyń tıimdiligi kóterildi.
QR Premer-Mınıstriniń orynbasary Asqar Mamın issaparmen Shyǵys Qazaqstan oblysyna sapary barysynda qorǵanys jáne azamattyq maqsattaǵy ónimderdi shyǵaryp, oǵan tehnıkalyq qyzmet kórsetetin «Semeı ınjınırıng» AQ óndiristik kásipornynyń qýatymen, Semeı mashına jasaý zaýytynyń jumysymen tanysty.
«Baqyrshyq taý-ken óndirý kásiporny» JShS jumysymen tanysý barysynda A. Mamınge 2018 jyly jańa ken baıytý óndirisi iske qosylatyndyǵy baıandaldy.
QR Premer-Mınıstriniń birinshi orynbasary Semeı qalasyna saparynda qalanyń jylý ortalyqtary men magıstraldyq jylý jelileriniń tehnologııalyq qurylǵylaryn jańǵyrtý jumystary jasalyp jatqandyǵyn kórdi.
Óńirge sapary kezinde A. Mamın «Qaraǵaıly» jańa shaǵyn aýdany men «Nurly jer» baǵdarlamasy aıasyndaǵy salynǵan úılerdi, 320 oryndyq balabaqshany kórip tanysty.
