Mamın «Qorǵas» ekonomıkalyq aımaǵyndaǵy nysandardyń jumysymen tanysady
TALDYQORǴAN.QazAqparat - Almaty oblysyna jumys saparymen QR Premer-Mınıstriniń birinshi orynbasary Asqar Mamın keledi. Bir kúndik sapary barysynda birinshi vıtse-premer Taldyqorǵan qalasyndaǵy jáne «Qorǵas» EEA-daǵy birqatar nysandardyń jumys barysymen tanysady, - dep habarlaıdy QazAqparat tilshisi.
Jumys kestesine səıkes aldymen kúrdeli jóndeýden ótken «Jetisý» áýejaıynyń jumysymen tanysady. Atalǵan nysannyń jalpy aýmaǵy 41 ga. Jylyna orta eseppen 26 myńnan astam jolaýshyǵa qyzmet kórsetýge qaýqarly.
Sondaı-aq, Almaty-Óskemen tas joly, Taldyqorǵan qalasyndaǵy ońtústik-batys aımaǵyndaǵy kópqabatty turǵyn úıdiń qurylysymen de tanysady. Al tústen keıin issapar Panfılov aýdanynda jalǵasady dep josparlanýda.
