Mamın Astanadaǵy qorǵanys-ónerkásip kesheni kásiporyndaryn aralady
«Qazaqstan avıatsııalyq ındýstrııasy» JShS aralaý barysynda A. Mamınge Airbus Military C-295, An 26, An 72, An 74 sııaqty avıatsııalyq tehnıkany jasaý, qurastyrý, jóndeý, tehnıkalyq qyzmet kórsetý jáne satýǵa mamandandyrylǵan kásiporynnyń qyzmeti týraly baıandaldy. Munda áskerı maqsattaǵy ushqyshsyz ushý apparattaryn óndirý jáne shyǵarý retke keltirilgen. Sondaı-aq Qazaqstannyń Áskerı-áýe kúshteri tehnıkasy - SÝ 25, SÝ 27, SÝ 30-ǵa qyzmet kórsetý jáne jóndeý, jeńilmotorly ushaqtardy qurastyrý jáne servıs júrgiziledi.
«Evrokopter Qazaqstan Injınırıng» JShS kásipornynda «Qazaqstan Injınırıng» UK» AQ basqarma tóraǵasy E. Ydyrysov Premer-Mınıstrdiń birinshi orynbasary A. Mamınge tikushaq tehnıkasyn jasaýǵa, qurastyrýǵa, jóndeýge, tehnıkalyq qyzmet kórsetýge jáne satýǵa mamandandyrylǵan kásiporynnyń jumysy týraly baıandady. Qazirgi ýaqytta munda «Qazavıaqutqarý» AQ men QR Qorǵanys mınıstrligine arnap 26 tikushaq qurastyrylǵan. Tikushaq tehnıkasyn shyǵaratyn zaýyt janynda avıatsııalyq oqý ortalyǵy jumys jasaıdy, onda Qazaqstannan, sondaı-aq búkil Ortalyq Azııadan mamandar kelip oqıdy.
Sonymen qosa A. Mamın brondalǵan dóńgelekti mashınalar men zamanaýı brontransporterler shyǵaratyn «Qazaqstan Paramaýnt ınjınırıng» JShS-nde boldy. Kásiporyn QR qarýly kúshterin aldyńǵy qatarly tehnıkamen tolyq qamtamasyz etýge, óndiristi barynsha oqshaýlaýǵa jáne ónimdi halyqaralyq naryqtarǵa eksporttaýǵa baǵyttalǵan.
Óndiristiń barlyq tehnologııalyq úderisi ıgerilgen, ınjenerlik-tehnıkalyq quram qalyptastyrylǵan, tapsyrys berýshilerdiń qajettilikterin tutastaı qanaǵattandyrýdyń konstrýktorlyq bıýrosy qurylǵan.
Qorǵanys ónerkásibi kesheniniń taǵy bir nysany - «Qazaqstan Aselsan ınjınırıng» JShS. Munda A. Mamındi QR QK qorǵanys qabiletin arttyrýǵa baılanysty «Jol kartasyn» iske asyrý barysy týraly, jańa tehnıka men qarýlandyrýdyń tájirıbeli úlgilerin qurý men jańǵyrtý jumystary týraly aqparattandyrdy.
Sapar qorytyndysy boıynsha, QR Premer-Mınıstriniń birinshi orynbasary A. Mamın Qazaqstanda óndirilgen áskerı tehnıkanyń eksporttyq áleýetin odan ári arttyrý jumystaryna basa nazar aýdarýdy tapsyrdy.
