Mamın «Altyn Orda» bazaryndaǵy jol aıryǵy týraly: Osy jylǵy qarasha aıynda paıdalanýǵa berý qajet

ALMATY. QazAqparat - QR Premer-Mınıstri Asqar Mamın Almaty qalasyna jumys sapary aıasynda «Altyn Orda» bazary mańyndaǵy kólik aıryǵy – «Almaty-Bishkek» avtomobıl jolynyń 16-19 km ýchaskesin qaıta jóndeý barysymen tanysty,. dep habarlaıdy QazAqparat

Joba ınjenerlik kommýnıkatsııalardy qaıta ornata otyryp, ýchaskeni 4 jolaqtan 10 jolaqqa deıin keńeıtýdi, negizgi magıstraldyq estakadany, «taǵa» túrindegi burylý estakadasyn, Aqsaı ózeni arqyly ótetin kópirdi, sondaı-aq jerústi jaıaý júrginshiler ótkelderin salýdy kózdeıdi. Úkimet basshysy barlyq sapa standarttaryn qamtamasyz ete otyryp, jumys qarqynyn arttyrýdy jáne olardy bıyl qazan aıynda aıaqtaýdy tapsyrdy.

«Kólik aıryǵyn osy jylǵy qarasha aıynda paıdalanýǵa berý qajet. Joba Almaty qalasy men Almaty oblysy arasyndaǵy kólik qatynasyn jaqsartady», — dedi A. Mamın.