Mamın AQSh memhatshysynyń orynbasarymen saýda-ekonomıkalyq máselelerdi talqylady
NUR-SULTAN. QazAqparat - QR Premer-Mınıstri Asqar Mamın Nur-Sultan qalasyna Ortalyq Azııa men AQSh elderi arasyndaǵy dıalogty damytý jónindegi «S5+1» otyrysyna qatysýǵa resmı saparmen kelgen AQSh memlekettik hatshysynyń saıası máseleler jónindegi orynbasary Devıd Heılmen kelissózder ótkizdi. Bul týraly QazAqparat primeminister.kz saıtyna silteme jasap.
Taraptar 2018 jyly AQSh-qa resmı sapar aıasynda QR Tuńǵysh Prezıdenti – Elbasy Nursultan Nazarbaev pen AQSh Prezıdenti Donald Tramp arasynda qol jetkizilgen ýaǵdalastyqtardy iske asyrýdyń mańyzdylyǵyn atap ótti.
Kelissózder barysynda ekijaqty saýda-ekonomıkalyq jáne ınvestıtsııalyq yntymaqtastyqty damytýdyń ózekti máseleleri talqylandy. AQSh — Qazaqstan ekonomıkasynyń iri ınvestorlarynyń biri. 2005 jyldan 2018 jyl aralyǵynda AQSh-tan Qazaqstanǵa tikeleı ınvestıtsııalardyń jalpy aǵyny $40 mlrd qurady. Ótken jyldyń qorytyndysy boıynsha QR-ǵa amerıkalyq ınvestıtsııalar jańa rekord ornatyp, $5,3 mlrd qurady. Bıylǵy qańtar–maýsym aralyǵynda eki el arasyndaǵy taýar aınalymy $1,1 mlrd qurady, bul ótken jyldyń sáıkes kezeńindegi kórsetkishten 31,8% joǵary.
Devıd Heıl Qazaqstannyń AQSh ınvestorlary úshin tartymdylyǵyn atap ótti.
«Bizde ekonomıkalyq qatynastardy damytýdyń úlken áleýeti bar», — dep Asqar Mamın, elderdiń energetıka, aýyl sharýashylyǵy, densaýlyq saqtaý, aqparattyq tehnologııalar, logıstıka, týrızm, avıaǵarysh ónerkásibi salalarynda ózara tıimdi yntymaqtastyqty tereńdete túsýdiń perspektıvalaryn atap ótti. — Sizdiń elimizge resmı saparyńyz elderdiń ózara is-qımylyn nyǵaıtýǵa eleýli serpin bererine senimdimin».
