Mamandardyń jalaqysy kóterilse, jemqorlyq azaıady - Bekshın
Búgin Astanada ótken memlekettik qyzmetshilerdiń ádeptilik normalaryn jáne minez-qulyq qaǵıdalaryn saqtaý máseleleri talqylanǵan jıyn ótti.
Onda sóz sóılegen Jandarbek Bekshın jemqorlyqqa qarsy kúres máselesin taqylaı otyryp, ózine qarasty komıtet mamandarynyń áleýmettik-turmystyq jaǵdaıy týraly sóz qozǵamaı ketýge bolmaıtynyn atap ótti.
«Bizdiń salada kóbinese buzýshylyqtar aýdandarda tirkelip jatady. Buǵan eń aldymen aılyqtyń tómen bolýy sebep bolyp otyr. Aýdandarda olar ortasha eseppen 65 myń teńge aılyq alady. Tipti jas mamandardyń aılyǵy budan da az. Aýylǵa dıplommen keletin mamandarǵa kóterme aqy berý máselesi de sheshimin tapqan joq. «Dıplommen aýylǵa» baǵdarlamasymen bizdiń mamandar qamtylmaı qaldy», - deıdi Jandarbek Bekshın.
Komıtet tóraǵasynyń aıtýynsha, Qoǵamdyq densaýlyq saqtaý komıtetiniń qyzmetshileri aýdandyq deńgeıge deıin jumys júrgizedi.
«Bizdiń balalardy balabaqshaǵa ornalastyrý máselesi de ózekti. Bul másele de sheshimin tapqan joq. Taǵy aıtarym búgingi kúni baspana berý máselesi de ózekti kúıinde qalyp otyr. Sońǵy 10 jylda bizdiń memlekettik qyzmetshiler aımaqtyq deńgeıde, naqtyraq aıtqanda aýdandarda birde-bir baspana alǵan joq. Osyǵan baılanysty QR Memlekettik qyzmet isteri jáne sybaılas jemqorlyqqa qarsy is-qımyl agenttiginen «B» korpýsyndaǵy memlekettik qyzmetshiler úshin qosymsha arnaıy quqyqtyq kepildendirý engizýdi suraımyz. Aýyldyq deńgeıge deıin osy másele nazarǵa alynsa, jemqorlyqqa barý táýekeldiligi azaıar edi», - deıdi Bekshın.