Mamandar saıahatshylar úshin qyzyqty emes elderdi anyqtady
ASTANA. QazAqparat - Dúnıejúzilik týrıstik uıym (DTU) zertteýshileri sońǵy ýaqytta saıahatshylar kóńilinen shyqqan, demalýǵa eń qoılaıly eldermen qatar saıahatshylar aıaq baspaıtyn memleketterdiń de tizimin anyqtady, dep jazady Lenta.rý.
DTU baıandamasyna sensek, 2013 jyldyń qorytyndysy boıynsha, Ońtústik Amerıkaǵa sapar shekkisi kelgenderdiń eshqaısysy da Gaıanany tańdamaıdy. Sondaı-aq, Belız ben Kanada saıahatshylardy burynǵydaı ózine tartyp, qyzyqtyra almady.
Eýropaǵa barǵandy jón kórgen týrıster Islandııa men Lıhtenshteın, Moldava men San-Marınony kórýge qyzyǵýshylyq tanytpasa, Afrıka qurlyǵyndaǵy Serra-Leone eline sheteldik saıahatshynyń aıaǵy tımepti. Al Azııany tamashalyǵysy kelgenderdiń eshqaısysy da Mońǵolııa men Býtanǵa barmaǵan.
Eske sala keteıik, jaqynda DTU 2013 jyldyń qorytyndysy boıynsha, qaı elge kóp týrıst barǵanyn jáne qaı elderge saıahatshylar barmaǵanyn anyqtaǵan bolatyn. Reıtıng boıynsha Frantsııa týrıstik ortalyq atanyp, kósh bastap tur. Ekinshi orynda AQSh, odan keıin Ispanııa tur.
