Mamandar satylǵan kólik esepten shyǵarylmasa qandaı qıyndyqtar týyndaıtynyn aıtty

TALDYQORǴAN. QazAqparat – Senimhat arqyly satylǵan kólik úsh jyldyń ishinde satyp alýshynyń atyna aýdarylmasa mashına avtomatty túrde burynǵy ıesiniń atyna qaıta aýdarylady. Taldyqorǵandaǵy memlekettik kirister basqarmasynyń mamany osylaı dep málimdedi, - dep habarlaıdy QazAqparat tilshisi.

Onyń sózinshe, salyq qyzmetkerleri satylyp ketken kóliktiń salyǵy burynǵy ıesine qaıta kelip jatatyn jaıttar jıi kezdesetinin aıtady. Barlyǵy senimhattyń saldarynan deıdi olar.

ıAǵnı, kólikti senimhat arqyly satqanda, kólikti satyp alýshy ony úsh jyldyń ishinde óz atyna aýdaryp alýy kerek. Olaı bolmaǵan jaǵdaıda kólik avtomatty túrde burynǵy ıesiniń atyna qaıta aýdarylady.

«Úsh jyldyń ishinde esepten shyǵarmaǵannan keıin, senimhattyń kúshi joıylady. ıAǵnı kóliktiń ıesi ony satqan adam bolyp qala beredi. Sondyqtan kólik satqan adam salyq komıtetine kelip, qaryzdaryn eseptetip, avtotsonǵa baryp, ýtılızatsııa rásimdep, kóligin tirkeýden alyp tastaýy kerek», - dedi Taldyqorǵan qalasy boıynsha memlekettik kirister basqarmasynyń bas mamany Baýyrjan Bekejanov.

Basqasha aıtqanda, kólik kimniń atynda tur, sol adam salyq tóleıdi. Tólemegen jaǵdaıda bereshek májbúrli túrde sot arqyly óndiriledi. Sondyqtan kólikti satqannan keıin birden onyń satyp alýshynyń atyna aýdarylǵanyn qadaǵalaý kerek. Sebebi, kóliktiń salyǵy tólenbegen jaǵdaıda ósimpul kúnnen kúnge óse beredi.

«ıAǵnı, kóliktiń ıesin sotqa beredi. Shottaryn buǵattaıdy, kóligin aıyp turaǵyna qoıady, buǵan qosa ósimpul ósedi»,-deıdi mamandar.

Osyǵan deıin elimizde 1 mıllıonnan astam adam kólik salyǵyn tólemegeni týraly jazdyq.