Mamandar orys tili oqýlyǵynda kezdesetin jargon sózderge túsinikteme berdi
Besinshi synypqa arnalǵan jańartylǵan orys tili oqýlyǵyna qatysty áleýmettik jelide paıda bolǵan synı pikirlerge oraı, mamandardyń túsindirme pikirlerin jarııalaýdy uıǵardyq. Atalǵan oqýlyq - negizgi oqý quraly emes, balamaly oqýlyq. Áli mektepterge túsken joq. Degenmen, tolyqqandy oqý quraly bolyp sanalady.
Avtorlardyń biri Gúlmıra Qojamqulovanyń aıtýynsha, aýyzeki sóılesý men resmı qarym-qatynas tilin ajyrata bilý - qazirgi jastarǵa qajet dúnıe.
Ásirese «Jelilik etıket» bólimi anonımdi pikir ıelerine unamapty. Olardy sol bólimdegi «pıarıt podkast» nemese «laıkat v sotssetıah» sóılemderi shamdandyrǵan syńaıly. Jańartylǵan mazmun oqýshylardyń saýatyn arttyryp, synı oılaı bilý qabiletin ushtaıdy, - deıdi oqýlyq avtory.
«Emotıkon», «podkast» nemese «pıarıt» degen sózder aýyzeki sóıleýden buqaralyq aqparat quraldary betine kóshkenine biraz ýaqyt boldy. Mundaı stıldi bilýdiń arqasynda oqýshylar resmı tildesýdi aýyzeki nemese jalpy qarym-qatynas leksıkasynan ajyrata alýdy úırenedi. Oqýlyqta resmı tildesý barysynda qandaı sóılemderdi qoldanýǵa bolmaıtyny jáne ne úshin ekeni tolyq túsindirilgen. Osylaısha, oqý quraly mektep oqýshylaryna aýyzsha jáne jazbasha saýatty sóılem quraýǵa úıretip, túrli deńgeıdegi jáne stıldegi leksıkalyq sózderdi ajyrata bilýge baýlıdy», - delingen baspasóz paraǵynda.