Mamandar ilbistiń tabıǵı mekendegi tirshiligin spýtnık arqyly zerttep jatyr
ASTANA. KAZINFORM — Іle-Alataýy memlekettik ulttyq tabıǵı parki 2026 jylǵy aqpan aıynda spýtnıktik qarǵybaý taǵylǵan qar barysyn baqylaý jumystaryn jalǵastyryp otyr. Jyrtqysh ózine tán meken etý aýmaǵynda erkin qozǵalyp júr.
— Spýtnıktik telemetrııa derekterine sáıkes, qar barysy túrge tán tabıǵı minez-qulqyn kórsetýde. Bul derekter onyń tabıǵı ortaǵa beıimdelý erekshelikterin jan-jaqty zertteýge múmkindik beredi. Sonymen qatar mamandar fototuzaqtar arqyly jyrtqyshtyń jaǵdaıyn turaqty túrde baqylaýda ustap otyr, — dep habarlady ulttyq tabıǵı parktiń baspasóz qyzmeti.
Úsh aılyq baqylaý barysynda jyrtqyshtyń qalypty qorektený minez-qulqy saqtalǵany jáne onyń jaqsy fızıkalyq jaǵdaıda ekeni anyqtaldy.
Júrgizilip jatqan jumystar sırek kezdesetin jyrtqyshty naqty ýaqyt rejıminde tıimdi qorǵaýdy qamtamasyz etýdiń mańyzdy negizi.
Eske sala keteıik, buǵan deıin Almaty qoryǵynda kúshikterin ertken ilbis fototuzaqqa túsip qalǵan edi.
