Mamandar Qytaıdan shyǵatyn jańa kıimderdi jýyp kııýge keńes berdi
ASTANA. QazAqparat - Kolýmbııa ýnıversıteti Medıtsınalyq ortalyǵynyń dermatology Donald Belsıto kıim-keshektegi hımıkattar allergııalyq reaktsııalardyń týýyna sebep bolýy múmkin ekenin eskertti. Sol sebepti, jańa kıimdi de kem degende bir ret jýyp kııý kerek degen ǵalym bul máseledegi óz tujyrymyn aıtty, dep jazady «The Daily Mail».
Jańa Zelandııada júrgizilgen zertteý jumystary Qytaı óndirisi kıimderindegi zııandy hımııalyq qosylystar qalypty jaǵdaıdan 900 ese asatynyn kórsetti.
Formaldegıd - erekshe qaýipti. Bul tússiz gaz matanyń ýmajdalyp, myjylyp qalýyna jol bermeıdi, sondaı-aq, kıimniń kógerip, ne kók sasyp ketý qaýpin seıiltedi. Biraq, ol kerisinshe, adamdarda allergııalyq reaktsııalardyń paıda bolýyna áser etedi. Keı ǵalymdar mundaı jaǵdaıda qaterli isiktiń de damyp ketýi múmkin ekenin aıtady. Allergııany basytqy boıaǵyshtar men anılın boıaǵyshtary týdyrýy múmkin. Ol kóptegen sıntetıkalyq matalardy boıaýda qoldanylady. Alǵash ret jýylǵan soń boıaǵyshtyń bólshegi matada qalady, sondyqtan Donald Belsıto kıimdi eki ret jýýǵa keńes beredi. Bul, ásirese, hımııalyq qosylystarǵa allergııasy bar adamdarǵa qatysty aıtylǵan keńes. Boıaǵyshtar denege tıgende onda dene qyzaryp, bórtpeler paıda bolýy múmkin. Negizinen ol bel, moıyn, san jáne qoltyqta shyǵady.
