Mamandar kókjóteldiń nesimen qaýipti ekenin aıtty
ASTANA. KAZINFORM – Kókjótel qaty asqynatyn bolsa, onyń sońy birqatar aýyr jaǵdaılarǵa ákelýi múmkin. Olarǵa pnevmonııa, bronhıt, tynys alýdyń ýaqytsha toqtaýy (apnoe), tynys alý jetkiliksizdigi, qurysýlar jáne otteginiń jetispeýshiliginen mıdyń zaqymdanýy jatady.
QR QR DSM Sanıtarlyq-epıdemıologııalyq baqylaý komıtetiniń habarlaýynsha, bul aýrý ásirese 1 jasqa deıingi balalar úshin óte qaýipti.
Aldyn alýdyń negizgi sharalary: ýaqtyly vaktsınatsııalaý (AKDS), naýqasty oqshaýlaý, bólmeni jıi jeldetý, ylǵaldy tazalaý júrgizý, qoldy sabynmen jýý jáne naýqas adamdarmen qarym-qatynasty shekteý.
Naýqaspen baılanysta bolǵan jaǵdaıda dárigerge qaralyp, medıtsınalyq baqylaýdan ótý jáne qajet bolǵan jaǵdaıda antıbıotıktik profılaktıka júrgizý máselesin sheshý qajet.
-Kókjóteldiń aýyr túrinen qorǵanýdyń eń tıimdi joly — ýaqtyly vaktsına alý,-delingen habarlamada.
Osyǵan deıin Batys Qazaqstanda kókjótelge shaldyqqan balalar sany 60-qa jýyqtaǵany týraly jazdyq.
Sondaı-aq kókjótel azaıǵanymen, naýqastardyń 91%-y vaktsına almaǵany belgili boldy.
