Mamandar Kedendik odaq naryǵyna ulttyq brendtegi ónimdermen shyǵýdy usynady
Onyń sózine qaraǵanda, Qazaqstan Kedendik odaq naryǵynda otandyq aýylsharýashylyq ónimderiniń úlesin arttyrýy tıis. Ol úshin Qazaqstanda qajettiniń barlyǵy bar jáne KO elderiniń naryǵyna ulttyq brendpen kirýimiz qajet.
«Kedendik odaq naryǵyna kirýdiń eń áleýetti salalaryn ataıtyn bolsaq, olar: mal sharýashylyǵy, astyq jáne tamaq ónerkásibi. Mal sharýashylyǵy men egin sharýashylyǵy bizdiń el úshin tańsyq emes, onyń qalyptasqan kóp jylǵy dástúri bar. Tamaq ónerkásibine keletin bolsaq, munda aýylsharýashylyq ónimderin óńdeýdi qaryshtatý kerek. Biz ulttyq brendimizben kirýimiz shart jáne oǵan kúshimiz jetedi. Máselen, qazaqstandyq nan nemese ulttyq et ónimin nege satpasqa?!» - dedi ol búgin Ortalyq kommýnıkatsııalar qyzmetine ótken brıfıngte.
B.Syrlybaevanyń atap ótkenindeı, AÓK salasynda ulttyq brend quryp, ony ary qaraı KO elderine, tipti alys sheteldegi naryqtarǵa shyǵarý úshin Qazaqstanda agromarketıngti damytý qajet.
