Mamandar qaı qalada taksı qyzmeti qymbat ekenin bildi
ASTANA. QazAqparat - Shveıtsarııanyń Tsıýrıh qalasynyń taksıi álemde eń qymbat qyzmet túri bolyp sanalady. Onda taksı qyzmeti Parıj, London, Nıý-Iorkten de qymbat, dep jazady Rosbalt.
Germanııalyq «Simon Kucher&Partners» kompanııasynyń marketologtary men baqylaýshylary 3 shaqyrym qashyqtyqqa jetý úshin taksı quny qansha turatynyn anyqtady.
Amsterdam qalasynda sol mejede taksı qyzmeti 12,38 dollar bolsa, Londonda - 11,87, Berlınde 11,75, Venada - 10,80, Parıjde 7,66, al Tsıýrıhte 19,17 dollar bolady eken.
Bul anyqtama boıynsha eń arzan baǵa Nıý-Iorkte, onda taksı quny - 7 dollar, delingen maqalada.
