Mamandar elordalyqtarǵa sýburqaqtarǵa shomylýǵa tyıym salýda
ASTANA. QazAqparat - Shyjyǵan ystyq astanalyqtardyń mazasyn qashyrdy. Sońǵy bir aptada aýa temperatýrasy 30-35 gradýsqa deıin kóterilgennen beri qala turǵyndary ózen-kóldi emes, kóshedegi fontandardy jaǵalap ketken, dep habarlaıdy KTK telearnasy.
Ásirese, bala-shaǵa qala ortasyndaǵy ashyq surburqaqtarǵa jatyp alyp, qoǵamdyq oryndy shomylatyn mekenge aınaldyrǵan.
Qala ákimdigi sýburqaqtarǵa túsýshilerge aıyppul salýǵa da dármensiz. Sebebi, zańda mundaı áreketke barǵandar úshin esh jaza qarastyrylmaǵan. Eskertý taqtaıshasy ilinse de, astanalyqtar sý ishinen shyǵar emes. Mamandar sýburqaq sýynyń quramy aıyna bir ret saraptamadan ótip turatynyn aıtady. Qubyrlary kúnde tazartylǵanymen, shomylýǵa arnalmaǵan eken. Alaıda ata-analar balalaryn shomyldyrýǵa áýes. Olardyń fontanda taıyp jyǵylyp, túrli jaraqat alý qaýpi de kóbeıip otyr. «Sýburqaq sýyna shomylýǵa bolmaıdy. Óıtkeni sýdyń ıisi shyǵyp, tot basyp, baldyrlar ósip ketpes úshin oǵan túrli hımııalyq zattar qosylyp otyrady. Al ol zattar adam terisine óte qaýipti», - deıdi QR Tutynýshylar quqyn qorǵaý agenttigi, SEQD dırektorynyń orynbasary Maral Raqymjanova.
