Mamandar elordalyqtardyń ınternetti qandaı maqsattarǵa paıdalanatyndyqtaryn anyqtady
ASTANA. 17 qyrkúıek. QazAqparat - Astana qalasynyń Statıstıka departamenti 2010-2014 jyldarǵa arnalǵan QR-daǵy aqparattyq teńsizdikti azaıtý baǵdarlamasy aıasynda elordalyqtarda qansha kompıýter baryn jáne olar ınternetti qandaı maqsatta qoldanatyndyqtaryn anyqtady.
2011 jylǵy sanaq boıynsha, elorda kásiporyndarynyń menshiginde 50 myń kompıýter bar. Onyń 36 myńnan astamy (72,2 paıyz) ǵalamtor jelisine qosylǵan. Memlekettik organdarda kompıýterlerdiń sany 16439 birlikti quraǵan. Onyń shamamen 35 paıyzy ǵana ınternetke shyǵý múmkindigimen qamtamasyz etilgen. Departamenttiń habarlaýynsha, kásiporyndardyń aqparattyq tehnologııalarǵa ketken shyǵyndarynyń 56,9 paıyzy tehnıkany satyp alýǵa jumsalsa, 6,6 paıyzy baılanys qyzmetterin tóleýge baǵyttalǵan.
Al jalpy astanalyqtardy alatyn bolsaq, turǵyndardyń 68,8 paıyzynda ınternet jelisi bar. Respondetterdiń 94,8 paıyzy ǵalamtordy elektrondy poshta arqyly hat almasý úshin paıdalanatyndyqtaryn aıtqan. 17,8 paıyzy fılmderdi, mýzykany, sýretterdi júkteýge jáne beınefılmderdi kórýge qoldanady. Al 41,8 paıyzy elektrondy kitap, onlaın gazet pen jýrnal oqıtyn kórinedi.
