Mamandar el joldaryndaǵy qaýipsizdik deńgeıin qalaı arttyrý kerektigin talqylady

NUR-SULTAN. QazAqparat - ІІM-de Indýstrııa jáne ınfraqurylymdyq damý mınıstrliginiń, «Qazavtojol» ulttyq kompanııasynyń, elimizdiń birqatar salalyq joǵary oqý oryndarynyń ókilderimen birlesip jol qaýipsizdigin qamtamasyz etý máseleleri boıynsha vedomstvoaralyq semınar-keńes ótkizildi, dep habarlaıdy QazAqparat mınıstrliktiń baspasóz qyzmetine silteme jasap.

Avtomobıl joldarynyń qaýipsizdigin arttyrý maqsatynda ІІM mamandary sheteldik ozyq tájirıbeni zerttep, Almaty, Jambyl jáne Shyǵys Qazaqstan oblystarynyń joldarynda pılottyq jobany iske qosýdy usyndy.

Ozyq tehnıkalyq sheshimder naqty jaǵdaılarda tekserilip, qazaqstandyq joldardyń erekshelikterine beıimdeletin bolady. Olardyń ishinde proektsııalyq jáne ıntellektýaldy jaıaý júrginshiler ótkelderi, balamaly jol belgileri, sonyń ishinde 3D kólemdi format, ınteraktıvti jol belgileri jáne t.b. bar. Semınarǵa qatysýshylar jańa bastamany qoldady.

Іshki ister organdarynyń statıstıkasy boıynsha, aǵymdaǵy jyldyń 3 aıynda respýblıkada 2 621 JKO oryn alyp, onda 363 adam qaza taýyp, 3 605 adam jaraqat aldy. Ótken jyldyń sáıkes kezeńimen salystyrǵanda qaza bolǵandar sany 11,7% - ǵa ósti.

Jol-kólik oqıǵalarynyń oryn alý sebepteri jyldamdyqty asyrýmen, qarsy jolaqqa shyǵýmen jáne jol qıylystarynan ótýmen baılanysty júrgizýshilerdiń kólik tártibiniń tómendigi bolyp otyr.

«Búgingi tańda elimizde 4,3 mln kólik quraly paıdalanylýda. Árbir júrgizýshi rýlge otyryp, ózin barynsha qaýipsiz sezingisi keledi. Bizdiń mindetimiz - ony qamtamasyz etý«, - dedi ІІM Ákimshilik polıtsııa komıtetiniń tóraǵasy Murat Baımuqashev.