Mamandar Báıdibekte sý qubyrynda jylannyń qalaı paıda bolǵanyn túsindirdi
TÚRKІSTAN. QazAqparat – Báıdibek aýdany Boraldaı aýylynda aýyz sý qubyrynan shyqqan jylanǵa qatysty «Báıdibek-Sý» mekemesiniń mamandary túsinik berdi, dep habarlaıdy QazAqparat tilshisi.
Mamandar oqıǵa ornynda bolyp, zerdeleý jumystaryn júrgizgen.
«Boraldaı aýylynyń turǵyny jeke aýlasyndaǵy sý eseptegish quralyn «Báıdibek sý» mekemesiniń ruqsatynsyz jáne qaı ýaqytta alyp tastaǵany belgisiz. Tekserý barysynda jáne vıdeodan kórinip turǵandaı sý eseptegish quraly bolmaǵandyqtan ashyq turǵan sý qubyryna jylan basymen syrttan kirip tur. 17 shilde kúni Boraldaı eldi mekeniniń aýyz sý jınaıtyn rezervýary men qubyrlarynyń sýy tolyq tógilip, búgingi kúni «Báıdibek sý» mekemesi tarapynan zalalsyzdandyrý (hlorlaý) jumysy júrip jatyr», - deıdi «Báıdibek-Sý» MKM baspasóz hatshysy Abzal Ábdinazar.
Aıta keteıik, búgin tańerteń Túrkistan oblysynyń Báıdibek aýdanyndaǵy Boraldaı aýylynda aýyz sý qubyrynan jylan shyqqanyn jazǵan bolatynbyz.
Vıdeodan alynǵan kadr
