Mamandar aptap ystyqta ishýge bolmaıtyn sýsyndardy atady
ASTANA. KAZINFORM — Mamandar ystyq aýa raıynda qandaı sýsyndardy tutyný qaýipti bolýy múmkin ekenin atap ótti. Bul týraly Centers for Disease Control and Prevention (CDC) eskertýine silteme jasap KABAR agenttig jazdy.
Mamandardyń aıtýynsha, kofe men quramynda kofeıni joǵary shaı túrlerin ystyqta shektegen abzal. Kofeınniń jeńil dıýretıkalyq áseri bar, ıaǵnı ol aǵzadaǵy suıyqtyqtyń tezirek shyǵarylýyna ákeledi. Bul óz kezeginde sýsyzdanýǵa sebep bolýy múmkin, al aýyr jaǵdaılarda jylý soqqysy, esinen taný nemese qurysý sııaqty asqynýlarǵa ulasýy yqtımal.
Sonymen qatar, mamandar alkogoldi, sondaı-aq qant pen natrıı mólsheri joǵary sýsyndardy da azaıtýǵa keńes beredi. Mundaı sýsyndar aǵzadaǵy sý tepe-teńdigin buzyp, ystyqta jaǵdaıdy odan ári nasharlatýy múmkin.
Sarapshylardyń pikirinshe, eń durys tańdaý – qarapaıym bólme temperatýrasyndaǵy nemese salqyn sý. Djennıfer Bredı bul týraly túsindirip, bylaı dedi: «Salqyn sý ishkende, aǵza ony tabıǵı túrde jylytady. Qalasańyz, muz qosýǵa bolady. Biraq organızm úshin sýdyń temperatýrasy asa mańyzdy emes».
Eske sala keteıik, buǵan deıin Premer-mınıstr Oljas Bektenov balalardyń energetıkalyq sýsynǵa qumartýyn qaýipti dep baǵalaǵan bolatyn. Qazaqstanda 2025 jylǵy 1 qańtardan bastap 21 jasqa tolmaǵan adamdarǵa energetıkalyq sýsyndardy satýǵa tyıym salyndy.
