Mamandar alpınıstik quraldardyń kómegimen balalardy qutqardy
ASTANA. KAZINFORM - TJM qutqarýshylary balalarǵa kómekke keldi. Oqıǵa elordanyń Saryarqa aýdanyndaǵy Sultan Beıbarys kóshesinde ornalasqan turǵyn úılerdiń birinde bolǵan.
Anasy dálizge shyǵyp ketken sátte kishkentaı balalar syrtqy esikti ishten qatty jaýyp, ony qaıta asha almaǵan.
Oqıǵa ornyna jedel jetken qutqarýshylar alpınıstik quraldardyń kómegimen 11-qabattyń terezesinen 9-qabatqa tómen túsip, 2021 jáne 2025 jyly týǵan balalardy aman-esen anasyna tapsyrdy.
TJM ata-analardy balalardyń qaýipsizdigin qamtamasyz etýge jáne kishkentaı balalardy qaraýsyz qaldyrmaýǵa shaqyrdy.
Aıta keteıik, Taldyqorǵan qalasynyń Qaratal shaǵynaýdanynda bes qabatty turǵyn úıdiń bir páterinde órt shyqty. Jedel qyzmetterdiń úılesimdi ári batyl áreketteriniń arqasynda qaıǵyly jaǵdaıǵa jol berilmedi.