Mamandar Almaty oblysynda qar kóshkini júretin aýmaqtardy zerdelep shyqty
ASTANA. QazAqparat - 27 qańtarda Almaty oblysy Eńbekshiqazaq aýdanynyń Túrgen jáne Esik ózenderi alaby boıynsha qar kóshkini qaýipti ýchaskilerge «Qazseldenqorǵaý» MM bas apparaty men AOPB fılıalynyń mamandary jáne «Geografııa ınstıtýty» JShS tabıǵı qaýip-qater zerthanasynyń meńgerýshisi V.P. Blagoveşenskıımen birge jerústi zertteýin júrgizdi, dep habarlaıdy «Qazseldenqorǵaý» MM baspasóz qyzmeti.
Zertteý barysynda Túrgen-Batan avtojolynyń 23, 23.5 jáne 23.6 shaqyrymynda 1026, 216, 55 tekshe metr kóleminde úsh qar kóshkini túskeni anyqtaldy. Jalpy 1 297 tekshe metr qar kóshkini avtojoldy tolyǵymen jaýyp qaldy.
Sondaı-aq, Esik ózeni alaby boıynsha «Esik q.-Esik óz.» avtojoly ótkeli ashyq. Zertteý barysynda qar kóshkini júrý qubylysy anyqtalmady. Alaıda, meteorologııalyq jaǵdaıdyń ózgerýi jaǵdaıynda qar kóshkini júrýi múmkin.
«Túrgen aýyly-Batan shatqaly» avtojolynyń 15 jáne 25 shaqyrymyna deıin jáne «Esik qalasy - Esik ózeni» avtojolynyń 8-den 14 shaqyrymyna deıingi aralyqtaǵy qar kóshkinine meteorologııalyq jaǵdaıdyń ózgerýi nemese jabaıy ańdardyń júrip ótýi sebepshi boldy degen qorytyndy jasaldy.
Sondaı-aq, «Qazseldenqorǵaý» mamandary Esik gıdrobeket baqylaýshylaryna Túrgen jáne Esik ózeni arnasy boıynsha qar kóshkini jaǵdaıy men muz qubylystaryn qatań baqylaýdy, jaǵdaıdyń asqynǵan kezinde Esik bóliminiń dıspecherlik beketi men jaýapty kezekshisin shuǵyl habarlaýdy tapsyrýdy usyndy.
