Mamandar «Alǵabas» shaǵynaýdanynda salynyp jatqan úılerdiń qurylysyn tekserdi
ALMATY. QazAqparat – Almaty qala qurylysyn baqylaý basqarmasynyń mamandary «Alǵabas» shaǵynaýdanynda salynyp jatqan jańa úılerdiń qurylysyn tekserdi, dep habarlaıdy QazAqparat tilshisi.
«Alataý aýdanynyń 23 ýchaskesinde Aqyn Sara kóshesinen soltústikke qaraı, Momyshuly kóshesinen batysqa qaraı «Nurly jer» baǵdarlamasy boıynsha 23 kóppáterli úı salynyp jatyr. Jalpy alǵanda aýdany - 50,8 myń sharshy metr. 740 páter paıdalanýǵa beriledi. Mamandar memlekettik baǵdarlamamen salynyp jatqan qurylys barysyn tekserdi. Merdiger uıymdarǵa birqatar eskertý jasaldy», - dedi basqarmadan.
Munyń aldynda qala ákimi Baqytjan Saǵyntaev «Nurly jer» baǵdarlamasy boıynsha salynyp jatqan úılerdiń qurylysyn tekserip shyqqan bolatyn.
Eske salaıyq, 11 jeltoqsanda Alataý aýdanyndaǵy «Zerdeli» shaǵyn aýdanynyń turǵyndary úıleriniń qısaıǵanyn aıtyp, dabyl qaqqan bolatyn. Bul úıler memlekettik baǵdarlama aıasynda salynǵan.
Keıin Baqytjan Saǵyntaev qısaıǵan úıdiń turǵyndarymen kezdesip, ákimdik olardy kóshirýge daıyn ekenin jetkizdi.
