Mamandar álemdik astyq baǵasynyń kóterilýimen qatar onyń áli de óse túsetindigin baǵamdaýda
ASTANA. Tamyzdyń 9-y. QazAqparat /Marlan Jıembaı/ - Mamandar álemdik astyq baǵasynyń kóterilýimen qatar onyń áli de óse túsetindigin baǵamdap otyr.
Bul týraly búgin Úkimettegi selektorlyq jıynnan keıin BAQ ókilderine suhbat bergen QR Aýyl sharýashylyǵy mınıstrliginiń jaýapty hatshys Evgenıı Aman málim etti.
Astyq baǵasyn naryq boljaıtyndyǵyn atap ótken ol, «búgin el Úkimeti áleýmetter taýarlar tizbesine qysymdy tómendetýge tapsyrma berdi. Osyǵan oraı biz sáıkesinshe mınıstrlik bolǵandyqtan tısiti sharalardy qabyldap jatyrmyz. Qajetti astyq kólemin paıdalanyp, tonnasyn 20,5 myń teńge turaqty baǵamen satýǵa nıettimiz», dedi.
Sondaı-aq onyń atap ótýinshe, Qazaqstan Úkimeti astyq eksportyna shekteý qoıatyn qandaı da bir sharalar qarastyryp otyrǵan joq. «Reseı tarapynan astyq eksportyna shekteý qoıý týraly usynys zerdelenetin bolady. RF bizdiń eksporttyq áleýetimizdiń múmkindigin reseılik naryqqa baǵyttaýymyzdy ótinetin sııaqty. Reseı naryǵy eshqandaı baǵdarsyz-aq eń jaqyn ári túsinikti. Eger óte pessımıstik stsenarıı bolǵan kúnniń ózinde de eksporttaý múmkindigi saqtalady», dedi.
Aıta keteıik, taıaýda Reseı Kedendik odaq boıynsha áriptesteri Qapzaqstan men Belarýs memleketterine astyq eksportyna shekteý qoıý týraly ótinish jasaǵan bolatyn. Al Reseı tamyzdyń 15-inen jeltoqsannyń 31-ine deıin dándi-daqyldardyń birqatar túrlerine ýaqytsha shekteý qoıyp otyr. Bul qadamǵa kórshi memleket ishki naryqtaǵy azyq-túlik baǵasynyń kóterilýine jol bermeý jáne mal basyn saqtap qalý maqsatynda baryp otyr.
