Mamandandyrylǵan HQO-da júrgizýshi kýáligin berý ýaqytsha toqtatyldy
NUR-SULTAN. QazAqparat – Eldegi mamandandyrylǵan halyqqa qyzmet kórsetý ortalyǵynda bolǵan tehnıkalyq aqaýdyń saldarynan júrgizýshi kýáligin berý ýaqytsha toqtatyldy, dep habarlaıdy QazAqparat.
«Azamattarǵa arnalǵan Úkimet» memlekettik korporatsııasynyń habarlaýynsha, ázirge el kóleminde atalǵan qyzmet túrin alý múmkin bolmaı tur.
«Bas prokýratýranyń Quqyqtyq statıstıka jáne arnaıy esepke alý jónindegi komıtetiniń bazasyndaǵy aqaýǵa baılanysty aıyppuldar men kólik júrgizý quqyǵynan aıyrý týraly málimetterdi alý múmkin emes. Sondyqtan da el aýmaǵyndaǵy mamandandyrylǵan HQO-da júrgizýshi kýálikterin berý memlekettik qyzmeti boıynsha klıentterdi qabyldaýy ýaqytsha toqtatyldy», - delingen atalǵan mekeme taratqan habarlamada.
Vedomstvonyń málimetinshe, qazirgi ýaqytta jaýapty organ baza jumysyn qalpyna keltirip jatyr.
«Mamandandyrylǵan HQO-larda qabyldaýdyń qaıta júrgizile bastaǵany týraly aqparat qosymsha habarlanady. Keltirilgen qolaısyzdyqtar úshin keshirim suraımyz», - dep habarlandy.
