Mamandandyrylǵan HQKO qyzmetkerleri 250 kólikti zańsyz tirkegen
ALMATY. QazAqparat – Almaty polıtsııasy Ońtústik Koreıadan ákelingen kólikterdi zańsyz tirkeý derekterin anyqtaldy, dep habarlaıdy QazAqparat tilshisi.
Uıymdasqan qylmysqa qarsy kúres basqarmasy usynǵan aqparatqa sáıkes, bul tizbekte «Azamattarǵa arnalǵan úkimet» AQ-ǵa qarasty mamandandyrylǵan halyqqa qyzmet kórsetý ortalyǵynyń qyzmetkerleri, sondaı-aq Ońtústik Koreıadan kólik alyp kelýdi jolǵa qoıǵan K. esimdi azamat kúdikti dep tanyldy.
«K. esimdi azamat mamandandyrylǵan halyqqa qyzmet kórsetý ortalyǵynyń qyzmetkerlerimen qylmystyq kelisimge kelip, Qazaqstan Respýblıkasynyń aýmaǵynda kólik quraldaryn tirkeýge negiz bolatyn qujattarǵa jalǵan málimetter engizgeni belgili boldy. Osy zańsyz áreketteriniń nátıjesinde kúdikti bastapqy memlekettik tirkeý úshin belgilengen alymdar, ıaǵnı 340 mln teńgeden astam somany tóleýden jaltarǵan. Tergeýdiń osy kezeńinde 250 kólik zańsyz ákelinip, tirkelgeni anyqtaldy», - dedi Almaty qalalyq PD uıymdasqan qylmysqa qarsy kúres basqarmasynyń bastyǵy Janat Nurǵalıev.
Aıtýynsha, atalǵan is QR QK-niń 385-baby boıynsha tirkeldi.
Qozǵalǵan qylmystyq isti Almaty qalalyq Polıtsııa departamentiniń anyqtaý basqarmasy tergep jatyr.
