Mamandandyrylǵan HQKO-da sybaılas jemqorlyqqa qarsy kúrestiń jańa protsesteri usynyldy
Memlekettik korporatsııa is-shara barysynda Agenttik Tóraǵasynyń birinshi orynbasary Dmıtrıı Malahovqa mamandandyrylǵan HQKO-lardy damytý jáne sybaılas jemqorlyq áreketterin boldyrmaý boıynsha josparlaryn usyndy. Sondaı-aq, alaıaqtyqqa qarsy is-qımyl boıynsha birlesken jumys týraly ýaǵdalastyq jasaldy.
Kezdesýdiń negizgi maqsaty qujattardy qabyldaý jáne teorııalyq emtıhandardy tapsyrý protsesterin avtomattandyrý úshin qurylǵan jańa aqparattyq júıelermen tanysý boldy. Máselen, QR ІІM-niń qoldaýymen jyl basynda 2.0 HQKO IAJ jańa júıesi engizildi. Júıeniń arqasynda operatorlardyń kedendik baj jáne tehnıkalyq pasporttardaǵy málimetterdi óńdeý múmkindigi joıyldy. Bul shara derekterdiń tazalyǵyn saqtaýǵa jáne sybaılas jemqorlyq faktorlaryn azaıtýǵa yqpal etedi. Jańa júıe arqyly kólik quraldaryn tirkeý úshin 584 myńnan astam, al júrgizýshi kýálikterin alýǵa 300 myńǵa jýyq ótinim qabyldandy. Aıta keteıik, 2.0 HQKO IAJ elimiz boıynsha 20 óńirde jáne 86 bólimde jumys isteıdi.
Sonymen qatar, júrgizýshi kýáligin berý boıynsha jańa normatıvter usynyldy. Máselen, Memlekettik korporatsııa Jol júrý erejelerin testileýdiń 3.0 jańa júıesin engizip jatyr. Bul júıe teorııalyq emtıhan tapsyrý protsesin zańnamadaǵy jańa túzetýlerge sáıkes bolýyn qamtamasyz etedi. Sonymen qatar, júıede proktorıng, ıaǵnı emtıhan tapsyrýdy onlaın baqylaý protsedýrasy qarastyrylǵan. Qazirgi ýaqytta JQE 3.0 pılottyq jobasy Aqmola oblysynda iske qosyldy. Bıylǵy jyl sońyna deıin bul jobanyń aýqymyn keńeıtý josparlanýda.
«Biz mamandandyrylǵan HQKO-larda sybaılas jemqorlyq áreketterin boldyrmaý úshin jumys istep jatyrmyz. Elimizdiń barlyq óńirlerinde emtıhan synyptarynda beınebaqylaý kameralary ornatylǵan. Kútý zaldarynda emtıhan protsesin kórip otyrýǵa bolady. Máselen, kez-kelgen azamat test tapsyrýdyń qalaı ótip jatqanyn baqylap otyra alady», - dep atap ótti Memlekettik korporatsııanyń Basqarma tóraǵasynyń orynbasary Shyńǵys Orazalımov.
Memlekettik korporatsııa sybaılas jemqorlyqqa qarsy is-qımyl boıynsha birqatar is-sharany jalǵastyrady. Qazir elimizdiń mamandandyrylǵan HQKO-larynda alaıaqtyq árekettermen kúresýdiń jańa ádisterin iske asyrý qarastyrylyp jatyr. Tájirıbelik emtıhan tapsyrýdy baqylaý úshin «Computer Vision» tehnologııasyn qoldana otyryp, jańa júıe engizý boıynsha jumystar júrgizilýde. Bul júıe emtıhan tapsyrý kezindegi ashyqtyqty arttyra otyryp, emtıhan tapsyrý barysyn jedeldetetin bolady.
