Mamandandyrylǵan eksporttyq kompanııa qurý qajet - A. Kúrishbaev
ASTANA. Jeltoqsannyń 14-i. QazAqparat /Rýslan Ǵabbasov/ - Memlekettik jeke menshik ustanymy boıynsha mamandandyrylǵan eksporttyq kompanııa qurý qajet. Bul týraly búgin agroónerkásiptik keshendi damytý máseleleri boıynsha ótip jatqan respýblıkalyq keńeste Aýyl sharýashylyǵy mınıstri Aqylbek Kúrishbaev málim etti,
dep habarlaıdy QazAqparat.
Agroónerkásiptik keshendi damytý strategııalyq mańyzdy sıpattaǵylardyń biri. Onyń eksporttyq baǵyttyń qarqynyn damytýǵa negizdelgenine toqtalǵan mınıstr, qazirgi kezde astyq saqtaý men tasymaldaý ınfraqurylymynyń damymaýy men artta qalýy eksporttyq jetkizilimderdiń qarqyndylyǵyna keri áser etip qana qoımaı, óndiristiń tejegish faktory retinde qalyptasyp otyrǵanyn aıtyp ótti. «Osy rette, qosymsha elevatorlyq qýattardyń qurylysy, teńiz termınaldary, sondaı-aq kóliktik múmkindikterdi sheshý kerek. Osyǵan baılanysty memlekettik jeke menshik ustanymymen mamandandyrylǵan eksporttyq kompanııany qurý qajettiligi týyndap otyr. Bul óz kezeginde eksportty jetildirýge, sonymen birge elimizdiń astyq resýrstaryn tıimdi basqarýǵa múmkindik bermek», dedi A. Kúrishbaev.
