Mamandandyrylǵan aýdanaralyq ekonomıkalyq sot jyl basynan beri 147,41 mln. teńge óndirdi - A. Jumaǵulov
ASTANA. QazAqparat - Astana qalasy Mamandandyrylǵan aýdanaralyq ekonomıkalyq soty 2015 jyldyń birinshi jarty jyldyǵynda memleket kirisine 147 mln. 41 myń teńge óndirdi. Bul týraly búgin jýrnalıstermen ótken brıfıngte Astana qalasy Mamandandyrylǵan aýdanaralyq ekonomıkalyq sotynyń tóraǵasy Aqan Jumaǵulov málim etti.
Sot tóraǵasynyń aıtýynsha, azamattyq sot óndirisinde medıatsııa ınstıtýtyn engizý jáne damytý birshama oń nátıjeler berip otyr.
«Ekonomıkalyq sotqa negizinen kelisimsharttyq qatynastardan (jyl basynan 1950 is), jer daýlarynan (65 is), memlekettik satyp alý zańnamasyna qatysty (2574 is), bankrottyq týraly (122 is) jáne memlekettik organdardyń áreketine shaǵymdaný (184 is) týyndaıtyn ister kelip túsedi. Aıta keterligi, isterdi qaraý barysynda shaǵyn jáne orta bıznes sýbektileriniń paıdasyna 27 sheshim shyǵaryldy. Al jartyjyldyqtyń qorytyndysy boıynsha memleket kirisine 147 mln. 41 myń teńge óndirildi», - dedi Aqan Jumaǵulov.
Onyń aıtýynsha, birinshi jartyjyldyqta sheshim shyǵarylǵan sot aktileriniń 97,9 paıyzy zańdy ári túzetýlerge jatpaǵan.
«Biz ózimizge kelip túsken isterdi shapshań qarap, sheshim shyǵarýdy mindet dep sanap otyrmyz. Bunda eshqandaı da sózbuıdalyq, tóreshildik nemese negizsiz shetke ysyrýshylyq degen bolmaýy tıis. Sondyqtan da, birinshi jartyjyldyqta isterdi qaraý merzimine eshqandaı da buzýshylyq oryn alǵan emes», - dedi A. Jumaǵulov.
