Mamandandyrylǵan mal bırjasy Túrkistanda salynady
ASTANA. KAZINFORM — Túrkistan oblysynda 12 myńǵa eseptelgen mamandandyrylǵan mal bırjasy salynady. Bul jaıynda Aýyl sharýashylyǵy mınıstrliginen málim etti.
— 2024 jyldyń basynan bastap Qazaqstan Respýblıkasynda et baǵytyndaǵy mal sharýashylyǵyna avstralııalyq tehnologııalardy engizý jumystary qolǵa alyndy. Atap aıtqanda, jaıylymda bordaqylaý, óndiristik shyǵyndardy azaıtý, qaldyqsyz óndiris júıesin qurý jáne jalpy ónimdilikti arttyrý boıynsha avstralııalyq áriptesterdiń ozyq tájirıbesi engizilip jatyr. Atalǵan tájirıbeni kezeń-kezeńimen iske asyrý aıasynda Túrkistan oblysynda 12 myń basqa arnalǵan mamandandyrylǵan mal bırjasyn salý josparlanyp otyr. Qazirgi ýaqytta jobalyq-smetalyq qujattama ázirleý jumystary júrip jatyr, — dedi mınıstrlikten agenttik saýalyna oraı.
Esterińizge sala ketsek, ótken jyldyń qarashasynda ótken aýyl sharýashylyǵy qyzmetkerleriniń birinshi forýmynda Memleket basshysy Qasym-Jomart Toqaev mal saýdasynyń bırjasy ne úshin qurylyp jatqanyn aıtqan edi.
— Úkimet alǵashqy mamandandyrylǵan bırja ashýdy qolǵa aldy. Bul keshende mal saýdasynyń zamanaýı erejeleri saqtalyp, fermerler men tutynýshylar arasynda basy artyq deldaldar bolmaıdy, — degen edi Prezıdent.