Mamandandyrylǵan HQO-lardyń jumys ýaqyty uzartyla ma — Mádıev depýtattarǵa jaýap berdi
ASTANA. KAZINFORM — Almaty jáne Qaraǵandy qalalarynda jańa avtodromdar ashylady. Bul týraly Quryltaı depýtattarynyń saýalyna Premer-mınıstrdiń orynbasary — Jasandy ıntellekt jáne tsıfrlyq damý mınıstri Jaslan Mádıevtiń jaýabynda aıtylǵan.
Vıtse-premer málimetinshe, 2026 jyldyń segiz aıynda 474 895 adam teorııalyq emtıhanǵa qatysty. Úmitkerlerdiń kóp bolýyna baılanysty respýblıka boıynsha qosymsha 86 emtıhan orny uıymdastyryldy. Al praktıkalyq emtıhannan ótý kezegin kútýshiler sany — 43 763 adam.
— 2026 jyldyń qazan aıynda Almaty jáne Qaraǵandy qalalarynda jańa avtodromdar ashý josparlanǵan. Jezqazǵan, Kókshetaý, Jambyl oblysy Taraz jáne Qordaı aýdanynda qosymsha avtodromdardyń qurylysy aıaqtalýǵa jaqyn, — dedi ol.
Onyń atap ótýinshe, Mamandandyrylǵan HQO-lardyń jumys rejımi eńbek zańnamasynyń talaptaryn eskere otyryp belgilengen. Teorııalyq emtıhanǵa jazylýdyń sońǵy ýaqyty 17:30, emtıhan rásimderi 19:30–da aıaqtalady.
— Qabyldaýdy saǵat 20:00–ge deıin uzartý shtat sanyn kóbeıtýdi nemese aýysymdyq jumys rejımin engizýdi talap etedi. Osylaısha, jumys rejımin uzartýdy orynsyz dep sanaımyz, — dedi Jaslan Mádıev.
Aıta keteıik, depýtat Meırash Shynasılova Mamandandyrylǵan HQO-lardyń jumys ýaqytyn azamattarǵa yńǵaıly bolý úshin uzartý jáne emtıhan qabyldaýshylardyń aýysymdyq jumysyn uıymdastyrý múmkindigin qarastyrýdy usynǵan edi.
