Mamandandyrylǵan HQKO-da bıometrııalyq sáıkestendirý engizildi

ASTANA. KAZINFORM — «Azamattarǵa arnalǵan úkimettiń» mamandandyrylǵan ortalyqtarynda avtokólik ıeleri men emtıhan tapsyrýshylarǵa memlekettik qyzmet kórsetý úshin bıometrııalyq sáıkestendirý tehnologııasyn engizildi.

Buǵan deıin mamandandyrylǵan HQKO-da azamattar qyzmetke júgingende sáıkestendirýdi ortalyq qyzmetkeri júzege asyratyn. Endi rásimdeý barysynda azamattyń túri sýretke túsiriledi, odan keıin ony júıe avtomatty túrde jeke tulǵalardyń memlekettik derekter bazasynda saqtalǵan sýretpen salystyrady. Bul qyzmet kórsetý barysynda jalǵan sýretti nemese telefon ekranyndaǵy fotosýretti qoldanýǵa jol bermeıdi. 

— Biz memlekettik qyzmet alý júıesindegi ashyqtyqty tek ishinara etetin jáne zańsyz áreketterge jol beretin adamı faktordy joıdyq. Bıometrııalyq sáıkestendirý — zań buzýshylyqtar sanyn azaıtyp, mamandandyrylǵan HQKO-da sybaılas jemqorlyq táýekelderin joıýǵa tikeleı jol ashady. Bul zamanaýı tehnologııa memlekettik qyzmet kórsetý júıesin tolyǵymen zańdy ári ashyq etýge jasalǵan taǵy bir qadam, — dedi memlekettik korporatsııanyń basqarma tóraǵasy Arman Kenjeǵalıev.

Eger azamat bıometrııalyq sáıkestendirýden óte almasa, júıe qyzmet kórsetý múmkindigin buǵattaıdy.

Aıta ketsek, memlekettik qyzmetterdi HQKO-dan bólek elektrondyq úkimet portaly, sonymen qatar «HQKO» mobıldi qosymshasy men ekinshi deńgeıli bankterdiń qosymshalary arqyly da alýǵa bolady.

Eske salsaq, halyqqa qyzmet kórsetý ortalyqtarynda kezekte turý ýaqyty 120 mınýttan 40 mınýtqa deıin qysqardy.