Malyn óriske qaraýsyz jiberetin qazaqstandyqtar azaımaı otyr
«Tájirıbe kórsetkendeı kóbine jaıylymdaǵy mal urlanady. Sebebi, olar uzaq ýaqyt qaraýsyz qalady. Osylaısha elimizdegi mal urlyǵynyń 56,6% jaıylymdarda jasalady. Urlyq faktilerin tejeýde aldyn alý sharalary qarastyrylǵan. Máselen, Aýyl sharýashylyǵy mınıstrligimen birlesip, 2020 jyly sáýirde mal jaıýdyń qaǵıdasy ázirlendi. Oǵan sáıkes óriske baqylaýsyz jiberýge tyıym salynady. Tártipti buzǵandarǵa Ákimshilik quqyq buzýshylyq týraly kodekstiń 408-baby boıynsha ákimshilik jaýapkershilik kózdelgen», - dedi QR Іshki ister mınıstrligi Krımınaldyq polıtsııa departamentiniń asa mańyzdy ister jónindegi aǵa jedel ýákili Qudııar Nurseıitov vedomstvoda ótken brıfıngte.
Onyń aıtýynsha, bıyl malyn baqylaýsyz jibergen 25 myńnan astam adam ákimshilik jaýapkershilikke tartyldy.
«Ótken aptada el aýmaǵynda «Mal urlyǵy» kezekti jedel-aldyn alý sharasy uıymdastyryldy. Oǵan 4 myńnan astam polıtsııa qyzmetkeri men aýyl sharýashylyǵy jáne veterınarııalyq baqylaý basqarmalarynyń 327 mamany jumyldyryldy», - deıdi ol.
