Malyn qaraýsyz jibergenderge 36 myńǵa jýyq ákimshilik hattama toltyryldy

NUR-SULTAN. QazAqparat – 2021 jyldyń 10 aıynda malyn qaraýsyz jaıylymǵa jibergenderge 36 myńǵa jýyq ákimshilik hattama toltyryldy. Bul jaıynda QR ІІM resmı ókili Nurdildá Oraz málim etti, dep habarlaıdy QazAqparat tilshisi.

«Іshki ister organdary qyzmetiniń negizgi baǵyttarynyń biri - mal urlyǵyna qarsy is-qımyl. Osy qylmys túri aýyl turǵyndaryna aıtarlyqtaı materıaldyq jáne moraldyq zııan keltiredi. Mal urlyǵyna qarsy kúrestiń tıimdiligin arttyrý úshin ІІM zańnamalyq, uıymdastyrýshylyq jáne praktıkalyq is-sharalar qabyldaýda», - dedi resmı ókil ІІM baspasóz alańynda ótken brıfıngide.

Onyń atap ótýinshe, ІІM bastamasy boıynsha jergilikti atqarýshy organdarǵa mal jaıý qaǵıdalaryn ázirleý jáne bekitý boıynsha quzyret berildi. Oǵan sáıkes maldy baqylaýsyz jaıylymǵa jiberýge tyıym salynady.

«Osy jyldyń 10 aıynda ǵana mundaı buzýshylyqtar úshin 36 myńǵa jýyq ákimshilik hattama toltyryldy», - dedi Nurdildá Oraz.