Malyn qaraýsyz jiberetinderge salynatyn aıyppul 300 myń teńgege deıin artýy múmkin

NUR-SULTAN. QazAqparat - Elimizde maldyń jol boıyna shyǵyp ketýi saldarynan bolatyn jol apaty jıilep ketken. Sondyqtan malyn qaraýsyz jiberetin turǵyndarǵa salynatyn aıyppul mólsherin 100 aılyq eseptik kórsetkishke deıin ulǵaıtý qajet. Bul týraly «QazAvtoJol» UK» basqarmasy tóraǵasynyń orynbasary Serik Aıdos elordada ótken brıfıngte aıtty, dep habarlaıdy QazAqparat tilshisi.

«Polıtsııamen birge jergilikti atqarýshy organdardyń ókilderimen, eldi meken turǵyndarymen jıi kezdesý ótkizip, avtomobıl jolynyń boıyna mal jaımaý kerektigin túsindiremiz. Hattama jasalyp, jadynama taratylady», - dedi ol.

Onyń aıtýynsha, Ákimshilik quqyq buzý týraly kodekste jol boıynda jaıylyp júrgen mal ıelerine jaýapkershilik qarastyrylǵan.

ıAǵnı, mal ıesine 3 AEK mólsherinde aıyppul salynady. Al eger mal kesirinen jol-kólik apaty bolǵan jaǵdaıda 10 AEK mólsherinde aıyppul kózdelgen.

«Oryn alǵan jaǵdaıdy eskere otyryp, úı janýarlaryna durys qaramaǵany úshin salynatyn aıyppuldy 100 aılyq eseptik kórsetkishke deıin ulǵaıtý usynylady», - dedi Serik Aıdos.