Malorkadaǵy Ryanair ushaǵyndaǵy órtten 18 adam zardap shekti

ASTANA. KAZINFORM - Irlandııalyq Ryanair kompanııasyna tıesili ushaq bortyndaǵy órtten 18 adam zardap shekti, dep habarlaıdy Kazinform TASS agenttigine silteme jasap.

- Ryanair ushaǵy bortyndaǵy órt týraly habarlaǵannan keıin áýe kemesi Palma-de-Maıorka áýejaıyna qondy, - dep habarlady Diario de Mallorca. 

Dárigerler ushaqtaǵy 18 jolaýshyǵa kómek kórsetti. Olardyń kópshiligi ushaqtyń qanatyndaǵy avarııalyq shyǵýlar arqyly evakýatsııalaý kezinde jaraqat alǵan. Alty adam aýrýhanaǵa jatqyzyldy.

Qazirgi kezde órttiń shyǵý sebepteri anyqtalyp jatyr. 

Eske sala keteıik, reseılik týrıster mingen ushaq Maldıvte eki ret muhıtqa qonýǵa májbúr bolǵanyn jazǵan edik.