Mańǵystaý oblysy ákiminiń orynbasary qyzmetinen óz erkimen ketti
ASTANA. KAZINFORM — Mańǵystaý oblysy ákiminiń orynbasary Málik Ábdiqadyrov óz erkimen qyzmetinen bosatyldy.
Ákimdiktiń baspasóz qyzmetiniń habarlaýynsha, óńir basshysy Nurdáýlet Qılybaı Málik Ábdiqadyrovqa atqarǵan jumysy úshin alǵys aıtyp, bolashaqta sáttilik tiledi.
Málik Ábdiqadyrov qyzmet atqarǵan kezeńde óńirdiń áleýmettik-ekonomıkalyq damýyna qatysty birqatar baǵytqa jetekshilik etti.
Eske salaıyq, Málik Ábdiqadyrov bul qyzmetke 2026 jylǵy 24 aqpanda taǵaıyndalǵan edi.
Málik Ábdiqadyrov «Qaınar» ýnıversıtetinde quqyqtaný mamandyǵy boıynsha, Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetin munaı-gaz isi boıynsha bilim alǵan. Ulybrıtanııadaǵy Aberdın ýnıversıtetinde Quqyq magıstri dárejesin ıelengen.
Uzaq jyldar boıy oblystyq prokýratýrada qyzmet etti, Qazaqstan Respýblıkasy Bas prokýratýrasynyń basqarmalarynda basshylyq qyzmetterdi atqardy, «Zapadnaıa kýrna»-2 «Lýkoıl-Oversız» jobasy Irak memleketi Basra qalasynda, QR Tabıǵı monopolııalardy retteý, QR Ulttyq ekonomıka mınıstrligi básekelestikti jáne tutynýshylardyń quqyqtaryn qorǵaý komıtetiniń departamentin basqardy.
2020-2024 jyldary — Aqtaý qalasy ákiminiń orynbasary, Mańǵystaý oblysynyń tabıǵı resýrstar jáne tabıǵat paıdalanýdy retteý basqarmasynyń basshysy, «Ózenmunaıgaz» AQ bas dırektorynyń kommertsııalyq máseleler jónindegi orynbasary qyzmetterin atqarǵan.
Munyń aldynda Mańǵystaý oblysy ákimi apparatynyń basshysy laýazymynda boldy.
