Malysh shyńynda jaraqat alǵan týrıst 3 myń metrden astam bıiktikten evakýatsııalandy
ASTANA. KAZINFORM – Almaty qalasyndaǵy Myńjylqy shatqalynda qutqarýshylar bıik taýda jaraqat alǵan týrısti evakýatsııalady.
TJM málimetinshe, Medeý aýdanyndaǵy teńiz deńgeıinen 3020 metr bıiktikte ornalasqan Malysh shyńynan túsý kezinde týrıstik top quramyndaǵy 2007 jyly týǵan azamat jartastan qulap, jaraqat alǵan.
Oqıǵa ornyna jedel jetken qutqarýshylar zardap shekken týrısti taýyp, alǵashqy medıtsınalyq kómek kórsetti. Keıin ony qaýipsiz jerge jetkizip, Apattar medıtsınasy ortalyǵynyń mamandaryna tapsyrdy.
Týrıstik toptyń qalǵan úsh múshesi de qutqarýshylardyń súıemeldeýimen qaýipsiz aımaqqa jetkizildi. Olarǵa medıtsınalyq kómek qajet bolmaǵan.
– Qutqarýshylardyń jedel ári úılesimdi áreketiniń arqasynda týrıst der kezinde evakýatsııalanyp, dárigerler qaraýyna berildi, – delingen TJM habarlamasynda.
Taýǵa shyǵar aldynda baǵytty muqııat josparlap, aýa raıy boljamyn tekserý jáne qaýipsizdik erejelerin saqtaý qajet.
Aıta keteıik, keshe Almaty taýlarynda týrıst 3500 metr bıiktikten evakýatsııalanǵan bolatyn.
