Málik Myrzalın saılanǵan ákimderdiń ókileti qalaı keńeıtilgenin túsindirdi

NUR-SULTAN. QazAqparat – QR Prezıdent Ákimshiligi Basshysynyń orynbasary Málik Myrzalın saılanǵan ákimderdiń ókileti qalaı keńeıetinin aıtty, dep habarlaıdy QazAqparat tilshisi.

«Jýyq arada aýyl ákimderiniń ókilettikterin keńeıtý kózdelip otyr. ıAǵnı birqatar ókilet aýdandyq deńgeıden aýyldyq deńgeıge beriledi», - dedi Málik Myrzalın «Habar 24» telearnasyna bergen suhbatynda.

Onyń aıtýynsha aýyl men aýyldyq korýg ákimderiniń quzyryna myna máseleler qaramaq:

qoǵamdyq oryndardy abattandyrý jáne syrtqy bezendirý máselelerin sheshý;

kommýnaldyq qaldyqtardy suryptap jınaýdy uıymdastyrý;

aqparattyq júıelerdi qoldana otyryp, elektrondyq qyzmetterdi satyp alý jáne taǵy basqa.

«ıAǵnı, birtalaı ókilet beriledi. Bul aýyl ákimderiniń jaýapkershilik aıasyn odan ári keńeıtedi. Tek sol ókiletterdi durys paıdalana bilý kerek», - dedi Málik Myrzalın.

Suhbat kezinde ol ákim saılaýyna saıası partııalardyń qanshalyqty belsedi qatysqany týraly pikir bildirdi.

Aıtýynsha, saılanǵan 864 ákimniń 77,7%-y nemese 671 adam – Nur Otan-nyń ókili. «Aýyl» partııasynan 3,8% ıaǵnı 33 adam ákim atansa, «Adal» partııasynan 1,7%, ıaǵnı 15 ákim, «Aqjol» partııasynan 1,4% nemese 12 adam, Qazaqstan halyq partııasynan 1,3% nemese 11 adam jáne JSDP-dan 0,1%, ıaǵnı 1 adam saılanǵan.