Málik Myrzalın múgedek balalardyń analarymen kezdesti
KÓKShETAÝ. QazAqparat - Aıyryqsha qajettilikke muqtaj balalardyń analary Aqmola oblysynyń ákimi Málik Myrzalınnniń qabyldaýynda boldy. Kezdesýde psıhonevrologııalyq derti bar múmkindigi shekteýli balalardyń jartylaı statsıonaryn keńeıtý týraly aıtyldy, dep habarlaıdy «QazAqparat» HAA.
Atalǵan máseleni oblys ákimi turǵyndarmen kezdesken kezde Indıra Ahmetova kótergen bolatyn.
«Mundaı máseleler birden sheshilmeıdi. Biraq Sizben tolyq kelisemin jáne bastamashyl top quramynda jeke qabyldaýyma shaqyramyn»,-degen edi sol kezde ákim.
Ákimniń qabyldaýynda Indıra Ahmetovamen birge Gaýhar Kamılınova jáne Olga Voıtenko bolyp, halyqtyń atynan óz muń-muqtajdaryn jetkizdi.
«Biz baratyn arnaıy ortalyqta psıhonevrologııalyq derti bar balalarmen birge tirek-qozǵalys apparaty buzylǵan balalar birge tárbıelenedi. Bul múldem durys emes. Neshe jyldan beri olardy bólý úshin arnaıy ǵımarat joq ekendigin aıtyp keledi»,-deıdi analar.
Qala basshylyǵy bul máseleni nazarǵa alyp, qosymsha ortalyq ashý qajettiligine qoldaý bildirdi.
Málik Myrzalın analardyń pikirin muqııat tyńdap, máseleni sheshý joldaryna úńildi.
«Sizderge qanshalyqty qıyn ekendigin túsinemin. Biraq bul másele jyldam sheshiledi dep ýáde bere almaımyn. Ǵımart turǵyzý nemese jóndeý sııaqty jumystarǵa birshama ýaqyt ketýi múmkin» degen oblys ákimi bul máseleni qala basshylyǵyna tapsyrdy.
