Málik Myrzalın máslıhat depýtattaryna paıdaly keńes aıtty

NUR-SULTAN. QazAqparat – QR Prezıdent Ákimshiligi basshysynyń orynbasary Málik Myrzalın Prezıdenttik jastar kadrlyq rezervindegi azamattarmen kezdesti. Jıynǵa kelgen máslıhat depýtattaryna Málik Myrzalın paıdaly keńesterimen bólisti, dep habarlaıdy QazAqparat tilshisi.

«Máslıhattarda quzyret óte kóp. Ókinishke qaraı onyń kóbin depýtattar paıdalana almaı jatyr. Meniń ózim buryn oblys ákimi boldym. Jalpy oblys ákimdigindegi satylardyń bárinen óttim. Eger máslıhattarǵa belsendi ári óńiri úshin talmaı eńbek etetin adamdar kelse – onda ákimdikterge yqpal eterlik jumys tetigi jeterlik. Osylaısha halyqty mazalap turǵan máselelerge qarajat birinshi joldanar edi. ıAǵnı men máslıhat depýtattarynyń zań júzindegi quzyretterin barynsha paıdalanýǵa shaqyramyn», - dedi Málik Myrzalın Prezıdenttik jastar kadrlyq rezervindegi azamattarmen elordadaǵy kezdesý barysynda.

Onyń aıtýynsha, Memleket basshysy máslıhattardyń ózderi de qol jınaı alatynyn da aıtqanyn eske saldy.

«Máselelerdi ashyq kórsetińiz. Halyqty alańdatqan problemany ashyq aıtyńyz. Álbette ár adamdy ózi turatyn úı men kóshe, sýy men gazy, joly alańdatatyny belgili. Qarajat maqsatty túrde jumsalýy kerek – kent pen kósheler shaǵyn bolsa, ol jaqqa túsetin júkteme de kóp emes. Halyq kóp turatyn kósheler bolsa onda ákimdik pen máslıhat aqshany sol jaqqa aýdarýy kerek», - dedi spıker.

Sonymen qatar Málik Myrzalın osynaý birlesken jumys oıly ári paıymdy túrde júrgizilýi kerektigin eske saldy.

«Bul qandaı da bir saıası manıpýlıatsııaǵa aınalmaýy tıis. Kim qatty aıqaılasa – aqsha sonda ketýi kerek degen ádisten arylý kerek. Máslıhat depýtattary degenmen belsendi pozıtsııany ustanýy kerek. Qazir halyq saıası turǵyda ǵana emes, quqyqtyq salada da saýatty. Saıası alańda básekege qabiletti bolyp, kelesi joly da saılaýda jeńýi úshin – ár depýtat óz saılaýshylarynyń quqyǵyn qorǵaı bilýi tıis», - dedi Málik Myrzalın.