Málik Myrzalın: Krasnyı ıAr kenti oblys ortalyǵynyń sáýlet kelbetine saı bolýy kerek

Óńir basshysy aldymen «Oqjetpes» stadıonynda bolyp, alańdy jasandy jabyndymen aýystyrý jumystarynyń barysyn qarady. Ótken jyly ǵana stadıonǵa kúrdeli jóndeý júrgizilip, jeńil atletterge arnalǵan júgirý jolaqtary qaıta jańǵyrtylǵan bolatyn. Tabıǵı shóp ósirilgen fýtbol alańy jaz ortasyna deıin daıyn bolmaıtyndyǵy sebepti, komanda oıyndaryn únemi syrt alańdarda ótkizýge májbúr bolyp kelgen edi. Bul oblys fýtbol komandasynyń oıyn kórsetkishterine de birshama teris áserin tıgizgen. Osy jaı eskerilip, bıyl jazda alańdy jasandy jabyndymen jabý qolǵa alynǵan edi.

Stadıon dırektory ıÝrıı Bondarenkonyń aıtýynsha, jasandy jabyndymen jabý jumystary tolyq aıaqtalǵan. Endi komıssııa qabyldasa, stadıon jumysqa ázir. Jóndeýden ótken stadıonda bıylǵy jyldyń 15 qazanynda «Oqjetpes» fýtbolshylary «Tarazdy» qabyldamaq.
Budan keıin oblys basshysy Ǵabdýllın kóshesiniń jolyn jóndeý jumysynyń jaıyn kórdi. Áýezov kóshesinen Abylaı han dańǵylyna deıingi aýmaqtaǵy joldy kúrdeli jóndeýge 872,807 mıllıon teńge bıýdjet qarjysy bólingen eken.
 

Jumys bıylǵy jyldyń maýsym aıynda bastalyp, qazir jylý jáne sý jelilerin aýystyrý jumystary júrgizilýde. Merdiger «Van» seriktestigi. Jóndeý jumystary 2018 jyldyń qarasha aıynda aıaqtalady dep josparlanyp otyr. Qazirgi kúnge deıin 551,8 mıllıon teńgeniń jumysy ıgerilipti.
Krasnoıar selosyna kiretin Sımferopol kóshesiniń jolyna bıyl kúrdeli jóndeý júrgizilip, bir shaqyrymnan astam jolǵa asfalt jabyndysy tóselgen. Qazirgi kúni kent ortalyǵyndaǵy birneshe kóshelerdiń jaǵajoldaryna jóndeý júrgizilip jatyr.
Oblys basshysy kóp salaly №3 mektep-gımnazııasynda bolyp, ótken jyly ǵana paıdalanýǵa berilgen ǵımaratty aralap kórdi. Jaratylys taný, matematıka baǵytynda bilim beretin oqý ornynda úsh júzden astam bala bilim alady. Ortalyq jylý júıesine qosylǵan mektepte balalardyń bilim alýyna qajetti jaǵdaılar túgel jasalǵan.
Oblys basshysy sondaı-aq, «Mansur» jeke menshik balabaqshasynda bolyp, atqaryp jatqan jumystaryn kórip, tanysty. 140 oryndyq balabaqshada búgingi kúni sonshama búldirshin tálim alýda. Alty top bolsa, onyń beseýi qazaq, bireý orys toby. Ótken jyly jumysqa kirisken balabaqsha mektepke deıingi tárbıe qyzmetimen qamtamasyz etý máselesin sheshýge ıgi yqpalyn tıgizip, 25 adamdy jumyspen qamtamasyz etip otyr.
Krasnoıar kentindegi erterekte turǵyndary kóship ketip, bosap qalǵan úılerdiń barlyǵy derlik qaıta jańǵyrtylyp, turǵyn úı kezeginde turǵandardy baspanamen qamtamasyz etý máselesin sheshýge ıgi yqpalyn tıgizýde. Oblys basshysy at basyn tiregen 32 páterlik úsh qabatty úıdi qalpyna keltirý jumystary qazir aıaqtalýǵa jaqyn eken. Úıdiń tómengi qabattarynda adamdar qonystanyp, turyp jatyr. 32 páterlik úıdiń 6-ýy kommýnaldyq menshikke kóshse, qalǵandary sot sheshimimen ıesiz dep tanylyp, qalanyń kommýnaldyq qyzmet menshigine alynǵan. Bir, eki jáne úsh bólmeli páterler memlekettik-jeke menshik áriptestik sheńberinde qaıta qalpyna keltirilip, bolashaqta satyp alý kelisimimen jalǵa berilmek.
«Krasnyı ıAr qalaǵa qarasty eldi meken sondyqtan, onyń jalpy kelbeti oblys ortalyǵyna saı bolýy tıis», - dedi  M. Myrzalın.
Ótken jyly paıdalanýǵa berilgen Krasnoıar kentin jylýmen qamtamasyz etetin modýldi qazandyq «Kókshetaý jylý» memlekettik kommýnaldyq kásipornyna qaraıdy. Jańa qazandyq jumys istegeli kent turǵyndary men áleýmettik nysandardy jylýmen qamtý máselesi oń sheshimin tapty. Qazirgi kúni qazandyq 23 kóp páterli úı men 6 áleýmettik nysandy jylýmen qamtamasyz etýde. Qazandyq qýaty áli de biraz nysandardy jylytýǵa jetedi. Bıylǵy qys maýsymyna qajetti kómir qory daıyn eken.
M.Myrzalın «Agrotreıd Kókshe» JShS kartop alqabynda da boldy. Bıyl atalmysh seriktestik 300 gektarǵa kartop egip, gektarynan 300 tsentner ónim alýda.