Málik Myrzalın qoǵamdyq keńes músheleri aldynda esep berdi
KÓKShETAÝ. QazAqparat - Aqmola oblysynyń əkimi Məlik Myrzalın qoǵamdyq keńes músheleri aldynda esep berdi, dep habarlaıdy "QazAqparat" HAA tilshisi oblystyq əkimdiktiń baspasóz qyzmetine silteme jasap.
Aımaq basshysy óńirdiń 2016 jylǵy əleýmettik-ekonomıkalyq damýynyń qorytyndysy týraly aıtyp berdi. Atalǵan qoǵamdyq keńes Elbasy Nursultan Nazarbaevtyń Ult josparyndaǵy 99-shy qadamdy júzege asyrý aıasynda ótken jyldyń basynda qurylǵan bolatyn. Keńes quramynda ər salada eńbek etetin 266 adam bar. Ótken jyly keńespen qoǵam məselelerine qatysty 200-den astam otyrys ótken. Oblystyq deńgeıde quqyqtyq aktiler boıynsha 350 joba qaralyp, onyń 50-den astamy keıin qaıtaryldy.
Myrzalın óz sózinde ótken jyly óńirde ónerkəsip, agrarly jəne əleýmettik salada oń dınamıka saqtalǵanyn aıta kele, osy baǵytta qoldaý bildirgen qoǵamdyq keńes múshelerine alǵysyn bildirdi.
Eske sala keteıik, oblys aktıvimen kezdesken Nursultan Nazarbaev M.Myrzalınge óńirdiń aýyl sharýashylyǵy sektoryn odan ári damytýǵa qatysty birqatar mindetter júktegen bolatyn. Atap aıtqanda, Memleket basshysy aýyl sharýashylyǵy kooperatıvin qurý, ǵylymı áleýetti paıdalaný arqyly ónimdilikti arttyryp, aýyl sharýashylyǵyna shaǵyn nesıe bólý, shaǵyn jáne orta bıznesti jandandyrý arqyly agroónerkásip keshenin damytýdyń mańyzdylyǵyn aıtty.
Aslan Ospanov.
