Málik Myrzalın: Aýyl halqynyń 65%-y ákim saılaýyn qoldap otyr

NUR-SULTAN. QazAqparat – Jarty jyl ishinde aýyl ákimderiniń úshten biri jańardy. Bul týraly QR Prezıdenti Ákimshiligi Basshysynyń orynbasary Málik Myrzalın «Habar 24» telearnasyna bergen suhbatynda aıtty, dep habarlaıdy QazAqparat tilshisi.

«Bıyl 864 jańa ákim saılandy. Nebári jarty jyldyń ishinde aýyl ákimderiniń úshten biri jańarǵanyn anazar aýdar kerek», - dedi Málik Myrzalın.

Ol sondaı-aq aýyl ákimderiniń saılaýyna daýys berýshilerdiń belsendi qatysqanyn atap ótti.

«El boıynsha saılaýshylardyń qatysý deńgeıi 78,5% boldy. Aýyldyq okrýgterdiń halqy árdaıym saılaýǵa belsendi qatysady. Bul ne degen sóz? Birinshiden, aýyldy kim basqaratyny olar úshin mańyzdy. Birneshe kún buryn men Strategııalyq zertteýler ortalyǵynyń taldaýyn oqydym. Ol boıynsha aýyl turǵyndarynyń 65%-y ákimderdi tikeleı saılaý júıesin engizý halyqtyń turmysyn aldaǵy tórt jylda jaqsartady dep esepteıdi. Bul aýyldyq okrýg ákimderin tikeleı saılaý týraly Memleket basshysynyń bastamalaryn halyqtyń qoldaıtynyn bildiredi», - dedi M.Myrzalın.