Málik Myrzalın ardagerlerge arnap dastarhan jaıdy
KÓKShETAÝ.QazAqparat - Aqmola oblysynyń əkimi Məlik Myrzalın qarttar men múgedekterdi áleýmettik qoldaý aılyǵy aıasynda Astana men oǵan irgeles aýdandarda turatyn júzge jýyq aqmolalyq zeınetkerge qurmet kórsetip, merekelerimen quttyqtady, dep habarlaıdy QazAqparat tilshisi.
Elordadaǵy «Aqqý» meıramhanasynda uıymdastyrylǵan sharada soǵys jáne eńbek ardagerlerin quttyqtaǵan óńir basshysy Elbasy Nursultan Nazarbaevtyń tapsyrmasyna sáıkes memleket tarapynan aǵa urpaq ókilderine barynsha qamqorlyq jasalyp otyrǵanyn aıta kele, bul máseleniń jergilikti bıliktiń de únemi nazarynda ekendigine toqtaldy.
"Búgingi elimizdiń kórkeıip-gúldenýi, urpaqtarymyzdyń shat-shadyman, baqytty turmysqa kenelýi, árıne, aǵa urpaqtyń mańdaı teriniń, elge sińirgen eńbeginiń jemisi. Elimizdegi irgeli oblystyń əleýmettik-ekonomıkalyq damýy sizderdiń eńbekterińiz. Sondyqtan sizderge udaıy qamqorlyq kórsete beremiz", -deı kele, oblys ákimi barlyq ardagerlerge gúl shoqtaryn jáne aqshalaı syı-sııapat tapsyrdy.
Óz kezeginde ardagerler de mereılerin ósirgen oblys basshylyǵyna rızashylyqtaryn bildirdi. Olardyń arasynda QR Parlamenti Májilisiniń burynyǵy depýtaty, pedagogıka salasynyń ardageri Zəýre Qadyrova, oblystyń burynǵy ákimi Sergeı Kýlagın, burynǵy Kókshetaý oblystyq partııa komıtetiniń birinshi hatshysy Qasym Taýkenov sııaqty birqatar ardagerler boldy.
Óńir ardagerlerin quttyqtaý sharalary qarttar men múgedekterdi qoldaý aılyǵy aıasynda ári qaraı júzege asyryla bermek.
