Málik Myrzalın Aqmola oblysyndaǵy kartop máselesi týraly aıtyp berdi
ASTANA. QazAqparat - Aqmola oblysynyń ákimi Málik Myrzalın óńirdiń kartoppen qamtylý máselesi jóninde túsinikteme berdi, dep habarlaıdy QazAqparat tilshisi.
«Bıylǵy kartop túsimi jaman bolǵan joq. Biraq, Astana naryǵyna negizgi kartop jetkizýshilerdiń biri - Pavlodar oblysy. Mundaǵy bizdiń úlesimiz, ókinishke qaraı, óte az. Biraq, bul máselemen jumys istep jatyrmyz, ásirese Tselınograd aýdanynda. Amerıkalyq jáne gollandııalyq tehnologııalar boıynsha jumys isteıtin mamandar bar. Olardyń egin ónimi mol shyǵady. Aldaǵy ýaqytta biz jetkizetin kartop kólemin ulǵaıtýdy josparlap otyrmyz», - dedi Málik Myrzalın jýrnalısterge bergen suhbatynda.
Atap ótken jón, Aqmola oblysynyń ákimi búgin elordadaǵy «AQMOL» saýda úıiniń ashylýyna qatysty.
Atalǵan joba Astana qalasynyń mańyndaǵy azyq-túlik beldeýin ary qaraı damytý boıynsha Memleket basshysynyń tapsyrmalaryn júzege asyrý aıasynda júzege asyrylýda. Onda aqmolalyq taýar óndirýshiler ózindik saýda jelisin qurý arqyly azyq-túlik taýarlaryn deldaldarsyz naryq qunynan tómen baǵaǵa sata alady.
Jyl sońyna deıin Astanada bul jobanyń eki saýda jelisi ashylady, keıinirek dúkender sanyn onǵa deıin arttyrý kózdelgen.
