Malık Kalıekperov: AES-ke qatysty eń basty daqpyrt radıofobııadan týady
ASTANA. KAZINFORM – Búgin Prezıdent Іs basqarmasynda Memleket Basshysynyń Qazaqstan halqyna Joldaýyn túsindirýge jáne 6-qazanda ótetin referendýmǵa baılanysty is-shara ótti.
Alqaly jıyn barysynda Parlamentarızm ınstıtýtynyń atqarýshy dırektory Almas Qanatov Memleket basshysy Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Qazaqstan halqyna Joldaýynda bastamashylyq jasaǵan birqatar zań jobasyna toqtaldy.
«Prezıdent Parlamenttiń aǵymdaǵy sessııasynda tyńǵylyqty zerdeleý, talqylaý jáne qabyldaý úshin birqatar zańnamalyq bastama kóterdi. Birinshisi – ózekti mindetterge jaýap beretin, ekonomıkalyq belsendilikti jandandyratyn jáne fınteh sektordy odan ary damytatyn «Bankter týraly» jańa zań. Qoldanystaǵy 1995 jylǵy «Bankter týraly» zań moraldyq turǵyda da, materıaldyq turǵyda da eskirdi. Sondyqtan Prezıdent atalǵan zańdy apgreıd jasaý tapsyrmasyn júktedi. Parlament endi sonymen aınalysatyn bolady. Ekinshiden, Prezıdent qoldanystaǵy salyq júıesin qaıta júktep, jańa Salyq kodeksin 2025 jyly qabyldaýǵa shaqyrdy. Qyrkúıek-jeltoqsan aılarynda Parlament qabyrǵasynda, sarapshylar qoǵamdastyǵy ortasynda atalǵan kodeks jobasy talqylanady. Bul qarapaıym másele emes. Prezıdent bul kodeksti jeńildetýdi, onyń barlyq erejelerin ekonomıkalyq belsendi barlyq azamatqa túsinikti qylýdy tapsyrdy», - dedi ol.
Almas Qanatov Parlament depýtattary aldynda jasandy ıntelekti men tsıfrlyq tehnologııalardy damytý baǵytynda da zań jobalaryn ázirlep, qabyldaý mindeti turǵanyn atap ótti.
Ekinshi másele boıynsha sóz alǵan ıAdrolyq fızıka ınstıtýtynyń ǵylymı qyzmetkeri Malık Kalıekperov atom elektr stansasy salasyna qatysty Internettegi basty daqpyrtty seıiltýge tyrysty.
«Eń basty daqpyrt – radıofobııa. Onyń Semeı ıadrolyq synaq saldarynan týyndaǵany da sózsiz. ıAǵnı, radıofobııanyń bolýy zańdylyq. Biraq, beıbit atom men áskerı atomnyń múldem eki bólek dúnıe ekenin túsiný qajet. Beıbit atom adamzattyń ıgiligine qyzmet etedi. Máselen, qazirdiń ózinde beıbit atom medıtsıalyq mekemelerdi tabysty qoldanylady. Sonymen qatar atom elektr stansalarynda ýrannan ıadrony bólip shyǵarý arqyly elektr energııasyn óndirýge bolady. Búginde elimizde elektr energııasynyń tapshylyǵy baıqalady. Elektr qýaty kóp tutynlatyn merzimderdi ony kórshi elderden satyp alýǵa májbúrmiz. Elimizdiń elektr energııasyna táýeldiligin joıý úshin AES qajet», - dedi ol.
Sonymen qatar ol 6 qazanda ótetin referendýmda el turǵyndarynyń AES qurylysyna qatysty daýys berýi azamattyq boryshy ekendigin aıtady.
«Ol - bizdiń, balalarymyzdyń, keler urpaqtyń bolashaǵy. Keler urpaq maıshamnyń jaryǵymen otyrmaýy úshin bizge jańa elektr generatsııalary qajet. Al AES bizdiń bolashaǵymyz úshin elektr qýatynyń balamasyz kózi sanalady», - dedi Malık Kalıekperov.
